बालोद, मुख्यमंत्री श्री भूपेश बघेल आज बालोद जिला के नगर पंचायत डौण्डीलोहारा म महिला अऊ बाल विकास अऊ समाज कल्याण मंत्री श्रीमती अनिला भेंड़िया के निवास म आयेाजित श्रीमद् भागवत महापुराण कार्यक्रम म सामिल होइन। ये बेरा म नगरीय प्रशासन विकास अऊ श्रम मंत्री डॉ. शिवकुमार डहरिया, संसदीय सचिव अऊ गुण्डरदेही विधायक श्री कुंवर सिंह निषाद, विधायक श्री मोहन मरकाम, संजारी-बालोद विधायक श्रीमती संगीता सिन्हा, अध्यक्ष जिला पंचायत बालोद श्रीमती सोनादेवी देशलहरा, कलेक्टर श्री जनमेजय महोबे, पुलिस अधीक्षक श्री सदानंद कुमार संग क्षेत्र के जनप्रतिनिधि, गणमान्य नागरिक आदि मौजूद रहिन।
Day: September 17, 2021
मुख्यमंत्री श्री भूपेश बघेल ह भगवान विश्वकर्मा के पूजा-अर्चना करके प्रदेश के सुख, समृद्धि अऊ खुशहाली के कामना करिन
रायपुर, मुख्यमंत्री श्री भूपेश बघेल ह विश्वकर्मा जयंती के अवसर म आज अपन निवास म पूरा विधि-विधान अऊ मंत्रोच्चार के बीच भगवान विश्वकर्मा जी के पूजा-अर्चना करके प्रदेश के सुख, समृद्धि अऊ खुशहाली के कामना करिन। ये बेरा म नगरीय प्रशासन मंत्री डॉ. शिव कुमार डहरिया, खाद्य मंत्री श्री अमरजीत भगत अऊ राज्य खनिज विकास निगम के अध्यक्ष श्री गिरीश देवांगन घलोक उपस्थित रहिन। मुख्यमंत्री ह ये बेरा म प्रदेशवासी मन अऊ श्रमवीर मन ल विश्वकर्मा जयंती के शुभकामना दीन।
मुख्यमंत्री ह स्वतंत्रता संग्राम सेनानी स्व. पंडित वामनराव लाखे के जयंती म उन ल करिन नमन
रायपुर, मुख्यमंत्री श्री भूपेश बघेल ह आज अपन निवास कार्यालय म स्वतंत्रता संग्राम सेनानी स्वर्गीय पंडित वामनराव लाखे के जयंती म ऊंखर फोटू उपर फूल चढ़ा के ओ मन ल नमन करिन। मुख्यमंत्री ह ये बेरा म देश के स्वतंत्रता संग्राम अऊ छत्तीसगढ़ म सहकारिता आंदोलन ल मजबूत बनाए बर ऊंखर योगदान ल सुरता करिन। जानबा हे के स्वर्गीय श्री लाखे जी ल छत्तीसगढ़ म सहकारिता के जनक के रूप म जाने जाथे। ऊंखर प्रयास ले रायपुर म पहिली सहकारी बैंक के स्थापना होइस। श्री लाखे ह छत्तीसगढ़ म स्वतंत्रता…