राज्य म गोधन के संरक्षण अऊ संर्वधन बर गांव मन म गौठान मन के निर्माण तेजी ले कराए जात हे। गौठान मन म पशुधन देख-रेख, उपचार अउ चारा-पानी के निःशुल्क बेहतर प्रबंध हे। राज्य म अब तक 10448 गांव मन म गौठान के निर्माण के स्वीकृति देहे गए हे, जेमां ले 9036 गौठान निर्मित अउ 1413 गौठान निर्माणाधीन हे। गोधन न्याय योजना ले 2 लाख 98 हजार 179 ग्रामीण, पशुपालक किसान लाभान्वित होवत हें।
गौठान म महिला समूह मन कोति ले 18.90 लाख क्विंटल वर्मी कम्पोस्ट अऊ 5.37 लाख क्विंटल ले जादा सुपर कम्पोस्ट अउ 18,924 क्विंटल सुपर कम्पोस्ट प्लस खाद के निर्माण करे जा चुके हे, जेन ल सोसायटि के माध्यम ले 10 रूपिया, 6 रूपिया अऊ 6.50 रूपिया प्रतिकिलो के दर म विक्रय करे जात हे। महिला समूह गोबर ले खाद के अलावा गो-कास्ट, दीया, अगरबत्ती, मूर्तियां अउ आन सामान के निर्माण अउ विक्रय करके लाभ अर्जित करत हे। गौठान मन म महिला समूह मन एखर अलावा सब्जी अउ मशरूम के उत्पादन,…
राज्य के 83 गौठान मन म 4 रूपिया लीटर के दर ले गोमूत्र के खरीदी करे जात हे। गौठान मन म अब तक 76 हजार 820 लीटर गौमूत्र क्रय करे जा चुके हे, जेखर मूल्य 3 लाख 7 हजार 280 रूपिया हे। एखर से गौठान मन म महिला स्व-सहायता समूह मन कोति ले 24,348 लीटर कीट नियंत्रक ब्रम्हास्त्र अऊ 18,722 लीटर वृद्धिवर्धक जीवामृत तियार करे गए हे, जेमां ले 20,521 लीटर ब्रम्हास्त्र अऊ 14,055 लीटर जीवामृत के बिक्री ले कुल 15 लाख रूपिया के आय होए हे।