Day: February 14, 2023

रायपुर, देश-दुनिया ले अनभिज्ञ रहइया अबूझमाड़वासी अब राज्य शासन के योजना मन के लाभ उठाए लगे हें। मुख्यमंत्री श्री भूपेश बघेल के पहल म अबूझमाड़ क्षेत्र म राजस्व सर्वे के काम तेजी ले करे जात हे। ये सर्वे ले अबुझमाड़ अंचल के किसान मन अऊ गांव वाले मन ल नवा-नवा योजना मन के लाभ मिलना घलोक शुरू हो गए हे। अबूझमाड़िया किसान न केवल अपन धान समर्थन मूल्य म बेचत हें। भलुक ओ मन ल राशन, बिजली, पेयजल, पेंशन संग सबो मुलभूत सुविधा बेहतर ढंग ले मिलत हे।

महासमुंद, ज़िला परिवहन अधिकारी ह आज महासमुंद के आस पास क्षेत्र म संचालित स्कूल, कॉलेज के लइका मन ल लाना लेजान करईया निजी वाहन मन उपर कार्रवाई करिस। जांच म दू वाहन म फ़िटनेस अऊ परमिट के वैधता खतम पाए गी। उहें चार स्कूल बस निजी वाहन के रूप म पंजीकृत रहिस। जेकर उपर कार्रवाई करे गीस। जांच के समय 6 वाहन म वैध कागद नइ होए के सेती 30 हज़ार रूपिया शमन शुल्क के चालान करे गीस। ज़िला परिवहन अधिकारी श्री रामकुमार ध्रुव ह बताइस कि माननीय सर्वोच्‍च न्यायालय…