Day: February 6, 2024

बलौदाबाजार, 06 फरवरी 2024। बलौदाबाजार जिला के कसडोल विकासखण्ड के ग्राम बल्दाकछार निवासी विशेष पिछड़ी जनजाति के श्रीमती तीजबाई कमार ह घलोक काली नजदीकी आंगनबाड़ी पहुंच के महतारी वंदन योजना के लाभ लेने बर आवेदन करिस। श्रीमती तीजबाई ह कहिस कि में दैनिक मजदूरी अउ किसानी काम करथंव अब एखर संगेच मोला हर महीना एक हजार रूपिया मिलही। जेन मोर अकतहा आय के साधन होही। में ए पइसा के उपयोग आन दैनिक खरचा म करहूं। ये काम बर श्रीमती तीजबाई कमार ह मुख्यमंत्री के प्रति आभार जताइस।

बलौदाबाजार, 06 फरवरी 2024। योजना के लाभ लेहे बर प्रदेश के महिला मन म भारी उछाह हे। महतारी वंदन योजना के फॉर्म जमा करे पहुंचे बलौदाबाजार जिला के श्रीमती सुनीता यादव ह कहिस के सरकार ह हर महीना जेन एक हजार रूपिया देहे के वादा करे रहिस वो अब पूरा होवइया हे। आज मैं ह महतारी वंदन योजना बर फॉर्म भर देहे हंव। योजना के तहत जेन पइसा मिलही ओखर उपयोग में लइका मन के पढ़ाई अउ आन खरचा बर करहूं। एखर बर वो ह देश के प्रधानमंत्री श्री नरेन्द्र…