रायपुर, 6 जुलाई 2024। मुख्यमंत्री श्री विष्णु देव साय ले आज संझा इहां ऊंखर निवास कार्यालय म दक्षिण पूर्व मध्य रेलवे के महाप्रबंधक सुश्री नीनू इटियेरा ह सौजन्य मुलाकात करिन। मुख्यमंत्री श्री साय ह सुश्री इटियेरा ले छत्तीसगढ़ राज्य म रेल सुविधा मन ले संबंधित कई ठन मुद्दा मन उपर चर्चा करिन। ए बेरा म रायपुर रेल मंडल के मंडल रेल प्रबंधक श्री संजीव कुमार घलोक उपस्थित रहिन।
बिलासपुर, 6 जुलाई 2024। राज्यपाल श्री विश्व भूषण हरिचंदन अउ मुख्यमंत्री श्री विष्णु देव साय आज पंडित सुंदरलाल शर्मा मुक्त विश्वविद्यालय के छठवां दीक्षांत समारोह म सामिल होइन। दीक्षांत समारोह म कई ठन सत्र के परीक्षा म छात्र मन ल स्नातक, स्नातकोत्तर, डिप्लोमा, पत्रोपाधि बर उपाधि अउ स्वर्ण पदक प्रदान करे गीस। ए मौका म श्री राम प्रताप सिंह अउ सुश्री सुरभा देश पांडे ल विद्या वाचस्पति के मानद उपाधि दे गीस। समारोह म कुलाधिपति कोति ले पीएचडी छात्र मन ल उपाधि प्रदान करे गीस अउ ए उपाधि के आचार…
बिलासपुर, 06 जुलाई 2024। मुख्यमंत्री श्री विष्णु देव साय के बिलासपुर पहुंचे म हेलीपैड म आत्मीय स्वागत करे गीस। श्री साय इहां पंडित सुंदरलाल शर्मा ओपन विश्व विद्यालय के छठवां दीक्षांत समारोह म सामिल होइन। हेलीपैड म प्रमुख रूप ले केंद्रीय राज्यमंत्री श्री तोखन साहू, उप मुख्यमंत्री अरुण साव, कुलपति वंशगोपाल सिंह, श्री एबीएन बाजपेई संग विधायक श्री अमर अग्रवाल, श्री धरमलाल कौशिक, श्री धरमजीत सिंह, श्री सुशांत शुक्ला अऊ आईजी संजीव शुक्ला, कलेक्टर अवनीश शरण, एसपी रजनेश सिंह ह स्वागत करिन।
रायपुर, 06 जुलाई 2024। मुख्यमंत्री श्री विष्णु देव साय ह राष्ट्र के अखंडता अऊ समाज के उन्नति बर आजीवन काम करईया महान चिंतक डॉ. श्यामाप्रसाद मुखर्जी जी के जयंती म ओ मन ल नमन करिन। मुख्यमंत्री श्री साय ह कैम्प कार्यालय बगिया म डॉ. श्यामाप्रसाद मुखर्जी के छायाचित्र म श्रद्धासुमन अर्पित करिन। श्री साय ह कहिन कि देश के एकता ल अऊ जादा मजबूत करे के दिशा म डॉ. श्यामा प्रसाद मुखर्जी के ‘‘अद्वितीय प्रयास’’ बर हर एक भारतीय उंखर ऋणी हे। उमन कहिन कि डॉ. श्यामा प्रसाद मुखर्जी भारत…
रायपुर, 6 जुलाई 2024। खाद्य मंत्री श्री दयालदास बघेल ह आज बेमेतरा जिला के नवागढ़ विकास खंड के ग्राम बाघुल म 18 लाख 63 हजार के लागत ले नवा ग्राम पंचायत भवन के शुभारंभ करिन। खाद्य मंत्री श्री बघेल ह शुभारंभ अवसर म सबो ल अपन हार्दिक बधाई अऊ शुभकामना दीन। उमन कहिन कि पंचायत ल मजबूत करे बर बाघुल गांव ल नवा पंचायत भवन दे गए हे। एकर उपयोग गांव के सरपंच, पंच अऊ आम जनता बैठक मन बर कर सकही। ए अवसर म सरपंच बाघुल श्रीमती उर्वशी अर्जुन…
रायपुर, 06 जुलाई 2024। राजस्व मंत्री श्री टंकराम वर्मा ह आज प्रेसवार्ता लेके राज्य म चलाए जात राजस्व पखवाड़ा, राजस्व प्रकरण मन अउ आन राजस्व विषय मन के संबंध म जानकारी दीन। उमन कहिन कि मुख्यमंत्री श्री विष्णु देव साय के मंशा के मुताबिक राज्य म सुशासन स्थापित करे बर कई ठन योजना मन के माध्यम ले आमजन ल सुविधा उपलब्ध कराए जात हे। राजस्व पखवाड़ा म राजस्व विभाग ले संबंधित समस्या मन के जल्दी निराकरण बर 6 ले 20 जुलाई तक सबो जिला मन के गांव म शिविर लगाए…