- 197 नवा आरक्षक मन ह देश के रक्षा अऊ सुरक्षा के लीन शपथ
- गृहमंत्री श्री ताम्रध्वज साहू ह दीक्षांत परेड के लीन सलामी
- छत्तीसगढ़ म मजबूत होइस सशस्त्र बल, संख्या बढ़के हो गीस 25 हजार
- अंतर्राष्ट्रीय महिला दिवस ल ध्यान म रखत महिला विश्राम गृह के उद्घाटन गृहमंत्री श्री ताम्रध्वज साहू ह करिन
रायपुर 07 मार्च 2020। गृहमंत्री श्री ताम्रध्वज साहू छत्तीसगढ़ सशस्त्र बल के 20वां दीक्षांत समारोह म बतौर मुख्य अतिथि सामिल होइन। माना स्थित चौथा बटालियन म ये आयोजन संपन्न होइस। पुलिस विभाग के वरिष्ठ अधिकारी मन के मौजूदगी म गृहमंत्री श्री ताम्रध्वज साहू ह परेड के सलामी लीन। संगेच उमन माना स्थित चौथा बटालियन म नवा विश्राम गृह के उद्घाटन करिन। 197 नव आरक्षक आज पास आउट होइन। चौथा वाहिनी सशस्त्र बल के नव आरक्षक 9 महीना के बुनियादी प्रशिक्षण के बाद पासआउट होके जवान मन ह देश के रक्षा अऊ सुरक्षा के शपथ लीन। ये बेरा म गृहमंत्री श्री ताम्रध्वज साहू ह सबो जवान मन ल बधाई दीन। श्री साहू ह अपन उद्बोधन म कहिन कि मैं सबो नव आरक्षक मन ल बधाई देत हंव। उम्मीद करत हंव के आप मन के काम ले छत्तीसगढ़ पुलिस के नाम रौशन होही।
