आज रात 12 बजे ले अवइया 21 दिन बर देशभर म लॉकडाउन, मने कर्फ्यू
नई दिल्ली, 24 मार्च 2020। प्रधानमंत्री श्री नरेंद्र मोदी ह कोरोना वायरस के फैलाव ल रोके बर भारत म आज मने 24 मार्च के रात 12 बजे ले 14 अप्रैल तक कुल तीन हफ्ता यानी 21 दिन के देशव्यापी लॉकडाउन के ऐलान करे हें। प्रधानमंत्री श्री नरेंद्र मोदी ह देश ल एक हप्ता म दूसरइया पइत संबोधित करत कहिन के ये जनता कर्फ्यू ले जादा कड़क होही अऊ मनखे मन ल समझना चाही के कोरोना जइसे संकट ले लड़े अऊ जीते बर कर्फ्यू जइसे कदम ही जरूरी हे। उमन कहिन कि ये बेरा म जरूरी सेवा मन ल नइ रोके जाए अऊ खाए-पीए या दवई के कोनो कमी नइ होन देहे जाए।
