दंतेवाड़ा, 29 अप्रैल 2024। हिंसा के रद्दा छोड़के समाज के मुख्यधारा म सामिल होए अऊ लोन वर्राटू (घर वापस आवव) अभियान ले प्रभावित होके 23 माओवादी मन ह आत्मसमर्पण करे हें. माओवादी मन ह पुलिस अधीक्षक दंतेवाड़ा के आगू हथियार डालिन. आत्मसमर्पण करइया नक्सली भैरमगढ़ एरिया कमेटी म सक्रिय रहिन. ये माओवादी बंद के समय रोड खोदना, पेड़ काटना अउ नक्सली बैनर-पोस्टर लगाय के घटना म सामिल रहिन. एखर से पहिली पुलिस ह माओवादी मन ले हिंसा के रद्दा छोड़के समाज के मुख्यधारा म सामिल होए के अपील करे रहिस. एकर व्यापक असर माओवादी मन म होय हे अऊ 23 नक्सली मन ह आत्मसमर्पण करके लोकतंत्र अऊ संविधान उपर विश्वास जताए हें.
जिला के दौरा के बेरा म पुलिस अधीक्षक दंतेवाड़ा ह कहिन कि आत्मसमर्पित माओवादी मन ल छत्तीसगढ़ शासन के पुनर्वास योजना के तहत 25-25 हजार रुपिया प्रोत्साहन राशि अउ पुनर्वास योजना के तहत मिलइया सबो प्रकार के लाभ देहे जाही. जानबा हे के कि लोन वर्राटू अभियान के तहत अब तक 177 इनामी माओवादी संग कुल 761 नक्सली आत्मसमर्पण करके समाज के मुख्यधारा म जुड़ गे हे. जिला पुलिस बल अऊ सीआरपीएफ ह सबो भटके माओवादी मन ले अपील करे हे कि हिंसा के धारा छोड़के समाज के मुख्यधारा ले जुड़े बर तीर के थाना या कैंप म संपर्क करव अऊ क्षेत्र के विकास म अपन अमूल्य योगदान देवव. जानबा हे कि ये सबो नक्सली अलग अलग इलाका मन म सक्रिय रहिन। एसपी गौरव रॉय ह बताइस कि जिला मुख्यालय म लोन वर्राटू अभियान के तहत 23 नक्सली मन ह पुलिस के आगू आत्मसमर्पण कर देहे हें। समर्पण करइया ये सबो नक्सली अलग अलग इलाका मन म सक्रिय रहिन। आप मन ल बता देवन कि प्रदेश म सत्ता बदलाव होतेेच नक्सली मन के आतंक खतम होत जात हे। नक्सली अब कमजोर पड़त जात हें। हाले म होए नक्सली हमला म 29 नक्सली मन ल जवान मन ह सरग भेज देहे रहिन। जेखर बाद अब नक्सली मन म खौफ बने हे।