जगदलपुर, 01 सितम्बर 2020। मुख्यमंत्री श्री भूपेश बघेल के पहल म बस्तर जिला प्रशासन ह सक्रियता देखात सालेम चेन्नई तमिलनाडू राज्य के ईंटा-भट्टा अऊ पोल्ट्री फार्म म काम करत बस्तर संभाग के 24 बालक-बालिका मन संग तीन महिला मन ल रेस्क्यू करके जगदलपुर लाए गए हे। ओ मन ल ईंट-भट्टी अऊ पोल्ट्री फार्म म करे काम के मजदूरी एक लाख 37 हजार 577 रूपिया तको उहां के प्रबंधक ले वसूल करके देवाए गए हे।
सालेम चेन्नई म इंकर फंसे होए के जानकारी मिले के बाद बस्तर कलेक्टर ह जिला बाल संरक्षण इकाई गठित करके बस म तमिलनाडू रवाना करिन। गठित दल के कार्यक्रम अधिकारी के बताती, बस्तर संभाग के 24 बालक-बालिका मन संग 03 महिला मन ल जिला बाल संरक्षण ईकाई तमिलनाडू राज्य सरकार के रोयापुरम अऊ सालेम बाल गृह रखे गए रहिस। ये बात के पता चले के बाद इहां टीम गठित करे गीस अउ ओ मन ल जगदलपुर लाए गीस। बाल कल्याण समिति जगदलपुर के आदेश बाद ओ बालक-बालिका मन ल पुर्नवासित करे बर ऊंखर घर के तीर वाले जिला बाल संरक्षण इकाई ल सुपूर्द करे गीस, संगेच बालक-बालिका मन अऊ महिला मन के वसूले मजदूरी के राशि देवाए गीस।
सुपुर्द करे गए बालक, बालिका अऊ महिला मन म जिला नारायणपुर के 02 बालक, 09 बालिका अऊ एक महिला, कोण्डागांव के 05 बालिका अऊ 02 महिला, जिला कांकेर के 04 बालक अऊ एक बालिका ल संबंधित जिला के बाल संरक्षण ईकाई ल सौंपी गीस। जशपुर अऊ रायपुर के एक-एक बालक मन बर दुनों जिला के बाल संरक्षण ईकाई के अधिकारी-कर्मचारी उपस्थित नइ होइन त जगदलपुर के बालगृह म ही रखे गए हे। एखर अलावा बस्तर जिला के एक बालक ल वोखर माता-पिता ल सुपुर्द करे गए हे।