9 सितमबर के डिस्चार्ज होइन सबले जादा 1146 मरीज, 476 मरीज मन के होम आइसोलेशन पूरा
रायपुर, 10 सितमबर 2020। छत्तीसगढ़ म कोरोना संक्रमित मरीज मन लउहे-लउहे स्वस्थ होवत हें। प्रदेश के कई ठन कोविड अस्पताल अऊ आइसोलेशन सेंटर्स (कोविड केयर सेंटर्स) ले पाछू एक हफ्ता म 5718 मरीज मन ल स्वस्थ होए के बाद डिस्चार्ज करे गए हे। 9 सितमबर के सबले जादा 1146 मरीज डिस्चार्ज होए हें। उहें होम आइसोलेशन म रहिके उपचार लेवत 476 मरीज घलोक अपन होम आइसोलेशन के बेरा पूरा कर डरे हें।
प्रदेश म अब तक कुल 24 हजार 414 मरीज कोरोना ल मात देहे हें। एमां ले 7316 मरीज रायपुर जिला के हे। पाछू एक हफ्ता म रायपुर जिला के 1715, दुर्ग के 429, रायगढ़ के 422, राजनांदगांव ले 333, बिलासपुर ले 195, कोरबा के 183 अऊ जांजगीर-चांपा के 156 मरीज स्वस्थ होके अपन घर लहुट गे हें। उहें ये दौरान घर म रहिके इलाज लेवत ए जिला मन के 225 मरीज मन ह अपन होम आइसोलेशन के बेरा पूरा कर लेहे हें। अस्पताल ले घर लहुटईया मरीज मन ल सावधानीपूर्वक दस दिन के होम आइसोलेशन म रहे ल कहे गए हे।
राज्य शासन कोति ले कोविड-19 म नियंत्रण बर सरलग जांच अऊ इलाज के सुविधा के विस्तार करे जात हे। सरकार कोति ले तुरते उठाए जात कदम मन के सेती रोज अड़बड़ झन म मरीज स्वस्थ होके घर लहुटत हें। कोरोना संक्रमित मन के पहिचान बर सबो जिला मन म सैंपल जांच के संख्या सरलग बढ़ाए जात हे। राज्य म अब तक स्वस्थ होए 24 हजार 414 मरीज मन म ले 7316 रायपुर जिला के, 1878 दुर्ग के, 1851 राजनांदगांव के, 1470 रायगढ़ के, 1415 बिलासपुर के, 965 जांजगीर-चांपा के, 834 बलौदाबाजार-भाटापारा के, 756 कोरबा के, 684 सरगुजा के, 629 बस्तर के, 531 नारायणपुर के अऊ 518 कांकेर के हें।
कोविड अस्पताल, कोविड केयर सेंटर्स अऊ होम आइसोलेशन मन म इलाज के बाद सुकमा के 487, बीजापुर के 477, जशपुर के 438, महासमुंद के 431, बेमेतरा के 410, बालोद के 381, गरियाबंद के 376, कोरिया के 354, धमतरी के 343, कबीरधाम के 317, सूरजपुर के 309, बलरामपुर-रामानुजगंज के 307, मुंगेली के 303, कोंडागांव के 279, दंतेवाड़ा के 270 अऊ गौरेला-पेंड्रा-मरवाही जिला के 38 मरीज पूरा स्वस्थ हो गे हें। प्रदेश म अभी हाल म कोविड-19 के मृत्यु दर 0.90 प्रतिशत हे, जबकि एकर राष्ट्रीय औसत 1.68 प्रतिशत हे।
