पवित्र दशहरा के रथ बर काटे गए पेड़ मन के भरपाई बर रोपे गीस 251 पौधा
जगदलपुर, 06 सितमबर 2024। बस्तर दशहरा समिति के बैठक जगदलपुर जिला कलेक्टोरेट कार्यालय के सभा कक्ष म आयोजित करे गीस, जेमां बस्तर दशहरा परब ल सबो मिलके उत्साहपूर्वक मनाए अउ सबो व्यवस्था मन ल सुग्घर ढंग ले ठउका करे के निर्णय ले गीस।
बस्तर दशहरा समिति के बैठक के बाद पवित्र दशहरा रथ बनाए बर काटे गए पेड़ मन के भरपाई बर एक विशेष पहल शुरू करे गीस। माचकोट रेंज के नकटी सेमरा वन क्षेत्र म कुल 251 पौधा लगाए गीस, जेमें ले हर एक पौधा एक पेड़ बस्तर के देवी देवता मन के नाम थीम के तहत बस्तर के देवता मन ल समर्पित हे। ये अनूठा थीम क्षेत्र के गहिर सांस्कृतिक अऊ धार्मिक संबंध ल दर्शाथे।
ये अभियान बस्तर के दशहरा उत्सव के समृद्ध परंपरा के सम्मान करत पर्यावरण के संरक्षण के प्रति समुदाय के प्रतिबद्धता ल परिलक्षित करथे। ये पहल पेड़ मन ल स्थानीय देवता मन के संग जोड़के पर्यावरण संरक्षण के संग सांस्कृतिक विरासत के एकीकरण ल घलोक दर्शाथे।
ए अवसर म सांसद अउ बस्तर दशहरा समिति के अध्यक्ष श्री महेश कश्यप, विधायक चित्रकोट श्री विनायक गोयल, जिला पंचायत अध्यक्ष श्रीमती वेदवती कश्यप, महापौर श्रीमती सफीरा साहू, जिला पंचायत उपाध्यक्ष श्री मणिराम कश्यप, जनपद पंचायत अध्यक्ष टी मरकाम, माटी पुजारी बस्तर राजपरिवार के श्री कमलचंद भंजदेव, कलेक्टर श्री विजय दयाराम के., पुलिस अधीक्षक श्री शलभ सिन्हा, जिला पंचायत के मुख्य कार्यपालन अधिकारी श्री प्रकाश सर्वे, आयुक्त नगर पालिक निगम श्री हरेश मंडावी, तहसीलदार अउ बस्तर दशहरा समिति के सचिव श्री रुपेश मरकाम संग मांझी, चालकी, मेम्बर, मेम्बरिन, पुजारी अऊ गणमान्य नागरिक उपस्थित रहिन।
