पेण्ड्रा म 18 अगस्त ले सुरू होही 26वां राज्य स्तरीय शालेय क्रीड़ा प्रतियोगिता, तोखन साहू होहीं मुख्य अतिथि

गौरेला-पेंड्रा-मरवाही, जिला के फिजिकल कॉलेज खेल मैदान, पेण्ड्रा म 26वां राज्य स्तरीय शालेय क्रीड़ा प्रतियोगिता के सुरुआत मंगल, 18 अगस्त के बिहनिया 10.30 बजे होही। 18 ले 21 अगस्त तक चलइया ए चार दिन के आयोजन म प्रदेश के पांचों संभाग ले 14 ले 19 बछर उमर के लगभग 540 खिलाड़ी अपन खेल प्रतिभा के प्रदरसन करहीं।
उद्घाटन कार्यक्रम के मुख्य अतिथि केंद्रीय आवासन एवं शहरी विकास राज्य मंत्री श्री तोखन साहू होहीं। कार्यक्रम के अध्यक्षता मध्य क्षेत्र आदिवासी विकास प्राधिकरण के उपाध्यक्ष अउ मरवाही विधायक श्री प्रणव कुमार मरपच्ची करहीं। संगेच कोरबा सांसद श्रीमती ज्योत्सना चरणदास महंत अउ कोटा विधायक श्री अटल श्रीवास्तव अति विशिष्ट अतिथि के रूप म सामिल होहीं।
ए प्रतियोगिता म जिम्नास्टिक, क्रिकेट, ताईक्वांडो अउ कबड्डी के मुकाबला आयोजित करे जाही, जेकर बर जिला प्रसासन कोति ले पूरा तइयारी कर ले गे हे।