फारेस्‍ट गार्ड के 291 पोस्‍ट बर निकले हे भरती, ए महिना के आखरी तक भर दव फारम

रायपुर, वन विभाग म वनरक्षक के 291 पद म भर्ती बर विज्ञापन निकाले हे। एखर बर योग्यता 12 वी पास रखे गए हे। पहिली चरण म शारीरिक दक्षता परीक्षा के बाद दूसर चरण म लिखित परीक्षा आयोजित करे जाही। 12 दिसम्बर मंझनिया 12 बजे ले 31 दिसम्बर रात 12 ले पहिली तक अभ्यर्थी वन विभाग के वेबसाईट www.Cgforest.com म फॉर्म भर सकत हें। ये पद बर उम्‍मर 18 साल ले लेके 40 साल रखे गए हे। अनुसूचित जाति अनुसूचित जनजाति अऊ आन पिछड़ा वर्ग बर आयु सीमा म 5 साल छूट देहे गए हे। राज्य खेल अऊ राष्ट्रीय खेल पुरुस्कार पवइया मन ल घलोक 5 साल तक आयु सीमा म छूट देहे गए हे। वनरक्षक के पद बर शारिरिक मापदंड घलोक रखे गए हे। जेखर मुताबिक पुरुष उम्मीदवार के 163 सेंटीमीटर ऊँचाई अऊ महिला उम्मीदवार मन के 150 सेंटीमीटर ऊँचाई होना चाही। अनुसूचित जनजाति के पुरुष मन बर ऊँचाई 152 सेंटीमीटर अऊ महिला मन बर 145 सेंटीमीटर निरधारित हे। सीना के नाप सबो पुरूष अभ्यर्थि मन बर 79 सेंटीमीटर अऊ फुलाव 5 सेंटीमीटर रखे गए हे। अइसनहे महिला मन बर 74 सेंटीमीटर अऊ फुलाव 5 सेंटीमीटर रखे गए हे।
त, लउहे फरम भर के अपन जल, जंगल जमीन के सुरक्षा बर अपन दावेदारी करव।