रायपुर, 24 अगस्त 2020। राजधानी रायपुर म जोन तीन सरकारी स्कूल ल अंग्रेजी मीडियम स्कूल म बदलाव करे गे हे। ओ तीनों स्कूल म अब संविदा शिक्षक मन के भर्ती करे जाही। एखर बर शिक्षा विभाग ह 4 सितंबर तक आवेदन मंगाये हे। मिले जानकारी के अनुसार रायपुर के तीन अंग्रेजी मीडियम स्कूल म 70 पद म संविदा नियुक्त होही। एखर बर जिला शिक्षा अधिकारी ह विज्ञापन जारी कर दे हे। ए सबो पद बर संविदा भर्ती म 4 सितंबर के संझा पांच बजे तक स्पीड पोस्ट ले आवेदन करे जा सकत हे।
बता देथन कि नगर निगम के तीन स्कूल शहीद स्मारक स्कूल मौदहापारा, बीपी पुजारी स्कूल राजातालाब अउ आरडी तिवारी स्कूल आमापारा अंग्रेजी माध्यम स्कूल बनाय गे हे। इहां लईका मन के प्रवेश बर भर्ती प्रक्रिया घलो हो चुके हे। ए सबो स्कूल म कक्षा एक ले लेके बारहवीं तक कक्षा संचालित होही। जादा जानकारी बर आपमन eduprtal.cg.nic.in म जा के देख सकत हो।