पुलिस वाले के हत्या म शामिल 3 नक्सली गिरफ्तार

बीजापुर, 30 अक्टूबर 2020। जिला म चलाय जावत नक्सल उन्मूलन अभियान के तहत थाना कुटरू ले डीआरजी अउ थाना के संयुक्त बल मिनगाचल नदी के किनारे तेलीपेंटा, दरभा के डाहर निकले रिहिस। मिनगाचल नदी के किनारे दरभा के पास टेंट लगा पाय गीन। घेराबंदी करे म टेंट ले 3 नक्सली ल गिरफ्तार करे गीस। एखर पास ले नक्सली बैनर, नक्सली पर्चा, नोट बुक, चाकू, फटका अउ अन्य दैनिक उपयोग के सामन मिलीस। गिरफ्तार नक्सली के नाम संतु सोढी उम्र 18 वर्ष निवासी किलेपारा दरभा थाना कुटरू, रामलु कुहरामी उम्र 29 वर्ष निवासी कोकड़ीपारा दरभा थाना कुटरू, लक्ष्मी पोडियाम उम्र 18 वर्ष, निवासी काकलूपारा दरभा, थाना कुटरू, जिला बीजापुर हे। गिरफ्तार नक्सली मन ह 31 अगस्त के थाना कुटरू म पदस्थ सउनि कोरसा नागैया के हत्या म शामिल होय के स्वीकार करिन। थाना कुटरू म गिरफ्तारी उपरान्त शुक्रवार के रिमाण्ड म न्यायालय बीजापुर म पेश करिन।