रायपुर। 13 सितंबर 2020। राजधानी रायपुर के शहीद स्मारक काम्प्लेक्स के दुकान म होय 67 लाख के चोरी के मामला म पुलिस ह तीन आरोपी मन ल गिरफ्तार कर ले हे। पकड़े गे आरोपी मन म बादल, गोपाल अऊ रमेश महानंद हे।
सूत्र ले मिले जानकारी के अनुसार तीनों आरोपी ह पहिली ले ए बड़का चोरी के घटना ल अंजाम दे के फिराक म रहिस। पूरा घटना के मास्टर माइंड बादल रहिस। आरोपी गोपाल के खिलाफ कोतवानी थाना म पहिली ले ही कई अपराध दर्ज हे।
जानकारी के अनुसार तीनों आरोपी मन ल ये जानकारी नई रहिस कि पइसा कोन दुकान म रखे हुये हे। एखर सेती आरोपी मन ह तिर-तार के दू दुकान के घलो ताला तोड़े रहिस। जिहां एक दुकान ले तीन हजार अऊ कुछु इलेक्ट्रानिक सामान ले गिस। दूसर दुकान ले 1500 रूपिया के चोरी करे रहिस। जबकि तंबाखू, गुटखा डिस्ट्रीब्यूटर के हरिओम एंजेसी के शटर के लाक ल तोड़ के 67 लाख रूपिया पार कर दे रहिस।
