दंतेवाड़ा,12 जुलाई 2020। जिला म शनिवार के एक बड़का सड़क हादसा होगे. गीदम थाना क्षेत्र म जावंगा के तिर एक ट्रैक्टर ट्राली पलटगे. हादसा म 3 ग्रामीण मन के मउका म ही मउत होगे. उहँचे एक ग्रामीण गंभीर रूप ले घायल हे. अन्य घायल ग्रामीण मन के इलाज जिला अस्पताल म जारी हे. दरअसल, ट्रैक्टर खेत मन ले काम कर लहुटत रिहिस. ड्राइवर जादा स्पीड म गाड़ी चलावत रिहिस, जेखर सेती ले गाड़ी अनियंत्रित होके सड़क किनारा पलटी खागे. हादसा के बाद मउका म तुरंत गीदम पुलिस पहुंच के घायल अउ मृतक मन ल अस्पताल ले गे.
ट्रैक्टर पलटे ले तीन ग्रामीण मन के मउत, एक घायल
