रायपुर, 17 जून 2020। प्रदेश म कोरोना के मामला थमत नई हे. प्रदेश के 26 जिला मन म अब तक कोरोना ह अपन दस्तक दे दिये हे. मंगलवार के कोरोना के 31 नवा मामला आगु आये हे. जोन म बलौदाबाजार ले 12, कोरबा 5, दुर्ग 4, राजनांदगांव अउ नारायणपुर 2-2, रायपुर, कबीरधाम, कोरिया, बिलासपुर, महासमुंद अउ बालोद ले 1-1 मरीज मिले हे. प्रदेश के अलग-अलग कोविड अस्पताल मन ले मंगलवार के 102 मरीज मन ल स्वस्थ होय के बाद अस्पताल ले छुट्टी दे गिस. राज्य म अब कुल संक्रमित मन के संख्या 1784 होगे हे. एक्टिव मरीज मन के संख्या 841 होगे हे. 934 लोग मन स्वस्थ होके घर जा चुके हे. जबकि कोरोना वायरस ले 9 लोग मन के मउत हो चुके हे.
