जांजगीर-चांपा , 24 अप्रैल 2020। जिला प्रशासन जांजगीर-चांपा म कोरोना संकट के सेती होए लॉकडाउन म फंसे जिला के शेल्टर होम म आश्रय पाए छत्तीसगढ़ के 33 प्रभावित मनखे मन ल मुख्यमंत्री श्री भूपेश बघेल के पहल म ऊंखर स्वास्थ्य के जांच कराए गीस अऊ ओ मन ल गाड़ी के व्यवस्था करके ऊंखर गृह जिला बर रवाना करे गीस।
लॉकडाउन म जांजगीर-चांपा जिला के जांजगीर, सक्ति अऊ चांपा के शेल्टर होम म छत्तीसगढ़ के आन जिला मन के मनखे मन ल ठहराए गए रहिस। जेमां कोण्डागांव के 7, जशपुर के 6, रायगढ़ के 12, कोरबा के 5, मुंगेली, बिलासपुर अऊ महासमुंद के एक-एक सामिल रहिन। चांपा एस.डी.एम. श्री बजरंग दुबे ह रायगढ़ जिला के 3 शिविरार्थि मन ल दवा किट, एक हफ्ता बर राशन, पेयजल अऊ नाश्ता उपलब्ध कराए गीस अऊ ऊंखर स्वास्थ्य के जांच कराए गीस अऊ वाहन ले रवाना करे गीस।
जानबा हे के कोविद-19 ल नियंत्रित करे लागू लॉकडाउन म जांजगीर-चांपा जिला के ओ शिविर मन म आश्रय पाए मनखे मन बर भोजन, आवास, चिकित्सा अऊ सेनेटाइजर, मास्क के संगें-संग मनोरंजन के घलोक समुचित व्यवस्था ठउका करे गए रहिस। सबो ल घर जइसे सुविधा मुहैया कराए गए रहिस।
