मुख्यमंत्री श्री विष्णु देव साय ले पंजाब सरकार के मंत्री मन ह करिन सौजन्य मुलाकात

गुरू तेग बहादुर जी के 350वां शहीदी दिवस म आयोजित कार्यक्रम म मुख्यमंत्री ल दीन नेवता
रायपुर, मुख्यमंत्री श्री विष्णु देव साय ले आज ऊंखर निवास कार्यालय म पंजाब सरकार के राजस्व, पुनर्वास अऊ आपदा प्रबंधन मंत्री श्री हरदीप सिंह मुण्डियन अऊ स्वास्थ्य अऊ परिवार कल्याण मंत्री डॉ. बलबीर सिंह ह सौजन्य मुलाकात करिन।
मुलाकात के समय दुनों मंत्री मन ह मुख्यमंत्री श्री साय ल 9वां सिख गुरू श्री गुरू तेग बहादुर जी के 350वां शहीदी दिवस के उपलक्ष्य म आयोजित होवइया विशेष कार्यक्रम म सामिल होए खातिर आमंत्रित करिन। उमन बताइन के ये आयोजन गुरू तेग बहादुर जी के बलिदान, त्याग अऊ मानवता के प्रति ऊंखर संदेश ल जन-जन तक पहुँचाए के उद्देश्य ले आयोजित करे जात हे। ए आयोजन म देशभर ले श्रद्धालु मन, संत महात्मा अऊ कई ठन राज्य मन के गणमान्य नागरिक मन के सम्मिलित होए के संभावना हे।
मुख्यमंत्री श्री विष्णु देव साय ह पंजाब सरकार के मंत्री मन के आमंत्रण खातिर हार्दिक धन्यवाद प्रकट करिन। मुलाकात के समय दुनों राज्य के बीच आपसी सहयोग अऊ सांस्कृतिक आदान-प्रदान ल लेके घलोक चर्चा होइस। मुख्यमंत्री श्री साय ह कहिन के गुरू तेग बहादुर जी ह अपन जीवन म धर्म, मानवता अऊ समानता के जेन आदर्श स्थापित करे, हें ओ आजो समाज खातिर प्रेरणास्रोत हे।
मुख्यमंत्री श्री साय ह पंजाब सरकार के ए आयोजन के सराहना करत ए सफल आयोजन खातिर शुभकामना दीन।मुख्यमंत्री ह कहिन के गुरू तेग बहादुर जी के बलिदान सिख समाज खातिर संगेच संपूर्ण मानवता खातिर अमर संदेश हे, जऊन हमला सत्य अऊ धर्म के रक्षा खातिर हमेसा तत्पर रहे के प्रेरणा देथे।