- राज्य स्वच्छता पुरस्कार-2020 के तहत स्वच्छ भारत मिशन देही 15 श्रेणि मन म पुरस्कार
- मुख्यमंत्री चुने गए पंचायत अउ प्रतिभागी मन ल गांधी जयंती म करहीं पुरस्कृत, पंचायत अउ ग्रामीण विकास मंत्री ह करहीं पुरस्कार मन के घोषणा
- स्वच्छता स्थायित्व, समुदाय के सहभागिता अऊ साफ-सफाई के आदत मन ल प्रेरित करे अच्छा काम करइया मन ल पुरस्कार – श्री टी.एस. सिंहदेव
- 30 जुलाई ले 15 अगस्त तक कर सकत हें आवेदन
रायपुर, 24 जुलाई 2020। गांव मन म स्वच्छता ल बढ़ावा देहे राज्य स्वच्छ भारत मिशन (ग्रामीण) कोति ले चार करोड़ 34 लाख रूपिया के पुरस्कार देहे जाही। मुख्यमंत्री श्री भूपेश बघेल ए पुरस्कार मन बर चुने गए ग्राम पंचायत अऊ प्रतिभागी मन ल गांधी जयंती 2 अकटूबर के पुरस्कृत करहीं। पंचायत अउ ग्रामीण विकास मंत्री श्री टी.एस. सिंहदेव ह आज राज्य स्वच्छता पुरस्कार-2020 के तहत 15 श्रेणि मन म देहे जाने वाला पुरस्कार मन के घोषणा करिन। ए मौका म उमन कहिन के खुला म शौचमुक्त होए गांव मन म एकर स्थायित्व बरकरार रखे, समुदाय के सहभागिता अऊ मनखे मन म साफ-सफाई के बने आदत मन ल प्रेरित करे बर ये पुरस्कार देहे जाही। स्वच्छता ल बढ़ावा देहे अलग-अलग स्तर मन म अलग-अलग प्रकार के सुघ्घर काम करइया मन ल पुरस्कृत करे जाही।
श्री सिंहदेव ह कहिन कि प्रतिभागियों के बीच ए पुरस्कारों बर स्वस्थ प्रतिस्पर्धा ले ग्रामीण क्षेत्र मन म स्वच्छता के आदतों अऊ व्यवहार म दीर्घकालिक बदलाव लाय म मदद मिलही। ठोस अउर तरल अपशिष्ट प्रबंधन, प्लास्टिक अपशिष्ट प्रबंधन अउर महिलाओं अउर किशोरियों म माहवारी स्वच्छता के प्रति जागरूकता लाय म घलोक एखर से सहायता मिलही। उमन कहिन कि छत्तीसगढ़ स्वच्छ भारत मिशन के क्रियान्वयन म अग्रणी राज्य हे। मिशन से एखर प्रोत्साहन ले गांव वाले मन म स्वच्छता के उत्कृष्ट स्थिति प्राप्त करे अऊ ओला लगातार बनाए रखे के जागृति पैदा होगी। चुने गे विजेताओं ल राष्ट्रपिता महात्मा गांधी के जयंती म 2 अकटूबर ल पुरस्कार वितरित करे जाही।
- स्वच्छ सुंदर शौचालय पुरस्कार हर एक विजेता हितग्राही ल 5001 रूपिया, जिला स्तर म दस-दस हितग्राही
- स्वच्छ सुंदर सामुदायिक शौचालय पुरस्कार, जिला अउ राज्य स्तर म, जिला स्तर के विजेता ग्राम पंचायत ल 21 हजार रूपिया अऊ राज्य स्तरीय विजेता पंचायत ल एक लाख रूपिया
- उत्कृष्ट सेग्रिगेशन शेड, ग्राम पंचायत ल एक लाख रूपिया
- माहवारी स्वच्छता प्रबंधन, दू श्रेणि म चयन, जिला स्तर के विजेता पंचायत ल 21 हजार रूपिया अऊ राज्य स्तरीय विजेता ल 51 हजार रूपिया
- पढ़ईया लईका मन म घलोक स्वच्छता के प्रति जागरूकता लाय स्कूल मन के माध्यम ले उत्कृष्ट निबंध सृजन प्रतियोगिता, जिला स्तर म पूर्व माध्यमिक अऊ हाईस्कूल वर्ग के विजेता मन ल 21 हजार रूपिया, 11 हजार रूपिया अऊ पांच हजार रूपिया
उत्कृष्ट नारा लेखन प्रतियोगिता के तीन विजेता मन ल 21 हजार रूपिया, 11 हजार रूपिया अऊ पांच हजार रूपिया - दीवार लेखन प्रतियोगिता, जिला स्तर म स्वच्छाग्रही या स्वसहायता समूह के प्रतिभागी मन ले दस सर्वश्रेष्ठ लेखन ल हर एक ल पांच हजार रूपिया
- प्लास्टिक मुक्त ग्राम पंचायत, जिला अउ राज्य स्तर म, जिला स्तरीय विजेता ल 21 हजार रूपिया अऊ राज्य स्तरीय विजेता ल एक लाख रूपिया
- स्वच्छ भारत मिशन के अंतर्गत काम करत स्वसहायता समूह मन म ले उत्कृष्ट स्वच्छाग्रही समूह पुरस्कार, जिला स्तरीय विजेता ल 21 हजार रूपिया अउ राज्य स्तरीय विजेता ल 51 हजार रूपिया
- राज्य स्तर म उत्कृष्ट बायोगैस संयंत्र पुरस्कार, विजेता ग्राम पंचायत ल 51 हजार रूपिया
- एस.ई.सी.एल. के सहायता ले संचालित दिव्यांग मन बर सामुदायिक शौचालय निर्माण के पायलट परियोजना के अंतर्गत तीन सर्वश्रेष्ठ ग्राम पंचायत ल ढाई लाख रूपिया, डेढ़ लाख रूपिया अऊ एक लाख रूपिया
- सामुदायिक शौचालय के उत्कृष्ट ड्राइंग-डिजायन प्रतियोगिता, तीन वर्ग म, राज्य स्तरीय साढ़े तीन लाख रूपिया, साढ़े चार लाख रूपिया अऊ साढ़े पांच लाख रूपिया लागत के सामुदायिक शौचालय के उत्कृष्ट ड्राइंग-डिजाइन प्रस्तुत करइया एक-एक आर्किटेक्ट या इंजीनियर ल 51 हजार रूपिया
- सेग्रिगेशन शेड के उत्कृष्ट ड्राइंग-डिजाइन, राज्य स्तर म 21 हजार रूपिया,11 हजार रूपिया अऊ पांच हजार रूपिया
गांव ल स्वच्छ बनाए बर सर्वश्रेष्ठ कार्ययोजना (Best Working Plan), तीन मनखे ल 21 हजार रूपिया,11 हजार रूपिया अऊ पांच हजार रूपिया - ग्रामीण स्वच्छता के संबंध म सर्वश्रेष्ठ नवाचार, तीन प्रतिभागी 21 हजार रूपिया,11 हजार रूपिया अऊ पांच हजार रूपिया
- एकरे संग प्रदेश के एक जिला ल एक करोड़ रूपिया के स्वच्छता स्थायित्व पुरस्कार, तीन विकासखंड ल 50-50 लाख रूपिया अऊ पांच ग्राम पंचायत मन ल 20-20 लाख रूपिया के पुरस्कार