चार माओवादी मिलिशिया सदस्य गिरफ्तार, मतपेटी लूट, प्रधान आरक्षक के हत्या के घटना म रिहिस सामिल

बीजापुर, 3 नवंबर 2020। बीजापुर जिला म चलाये जावत माओवादी विरोधी अभियान के तहत सोमवार के थाना जांगला कैम्प माटवाड़ा ले 222 केरिपु के बल ग्राम माटवाड़ा, फुल्लोड़, जैगुर के डाहर निकले रिहिस। सर्चिंग अभियान के दौरान मुखबिर ले मिले सूचना के आधार म माटवाड़ा-फुल्लोड़ के बीच संयुक्त पार्टी द्वारा घेराबंदी करके 4 संदिग्ध मन ल पकड़े गिस। पकड़े गए माओवादी मन ले पूछताछ करे म अपन नाम कोसा पाडि़यामी उम्र 31 वर्ष, हिंगोराम मड़काम उम्र 27 वर्ष,राजेश कवासी उम्र 33 वर्ष अउ इंद्रजीत ठाकुर उम्र 32 वर्ष बतइस। मउका ले 2 मोटरसायकल,5 मोबाइल,1 बंण्डा, डेटोनेटर,टिफिन बम, कार्डेक्स वायर, इलेक्ट्रिक वायर जब्त करिस। पकड़े गए आराेपी थाना जांगला अन्तर्गत 29 जुलाई के माटवाड़ा केरिपु बल एरिया डॉमिनेशन, ऑप्स म रवाना होए रिहिस। पुलिस पार्टी ल जान ले मारे के नीयत ले आईईडी ब्लास्ट करे के घटना म सामिल रिहिस। एखर अलावा कोसा पोडियामी थाना जांगला क्षेत्रान्तर्गत 1 दिसंबर 2003 के मतदान केन्द्र म घुस के वोडिंग मशीन लूटे अउ जान ले मारे के घटना म सामिल रिहिस। 14 मार्च 2003 के भैरमगढ़ बाजार म प्रआर सत्यम कडि़यल के हत्या अउ रिवाल्वर लूट के घटना म सामिल, 26 अगस्त 2003 के माटवाड़ा ले भैरमगढ़ आवत जीप ल बेलचर तिराहा के पास रोक के आगजनी के घटना म सामिल, 12 अगस्त 2015 के घुडासकल म सरपंच सुखदेव नेगी के हत्या करे के घटना म सामिल रिहिस। एखर अलावा एखर विरूद्ध थाना म 6 नग स्थाई वारंट घलो लंबित हे। पकड़े गए माओवादी मन के विरूद्ध थाना जांगला म कार्यवाही के बाद न्यायालय बीजापुर पेश करे गिस।