राजनांदगांव, 09 मई 2020। जिला म पुलिस अउ नक्सली मन के बीच मुठभेड़ म 4 नक्सली मारे गए हे. ये मुठभेड़ म मदनवाड़ा थाना के प्रभारी श्याम किशोर शर्मा नक्सली मन ले लोहा लेवत हुए शहीद होगे हे. सुरक्षाबल मन ह घटनास्थल ले भारी मात्रा म हथियार घलो बरामद करे हे. जोन म ले एक एके-47 राइफल, एक एसएलआर बंदूक अउ 2 अन्य राइफल शामिल हे. घटनास्थल ले गोली अउ विस्फोटक सामग्री घलो बरामद करे गए हे. नक्सली मन ले ये मुठभेड़ मानपुर पुलिस थाना सीमा के नजदीक म होय हे. इलाका म पुलिस के कॉम्बिंग ऑपरेशन जारी हे. सुरक्षाबल मन ह ये इलाका ल घेर लिये हे, अउ इलाका म तलाशी अभियान चलाये जावत हे.
