4 साल के बच्ची संग स्कूल म दुष्कर्म के प्रयास, पुलिस ह दो युवक मन ल करिन गिरफ्तार

रायपुर। राजधानी म इंसानियत ल शर्मसार कर देने वाला दुष्कर्म के एक अउ मामला आगु आये हे। शहर के भारत माता स्कूल म 4 साल के बच्ची के संग दो युवक मन ह दुष्कर्म के प्रयास करे हे। बताये जावत कि स्कूल म मिस्त्री के काम करे बर आये दो युवक मन ह बच्ची के संग गंदा हरकत करे हे।
मामला उजागर होय के बाद लोग मन के गुस्सा बढ़गे। आरोपी मन के गिरफ्तारी के मांग ल लेके परिजन सहित अन्य लोग मन ह थाना म नारेबाजी करिन। वहीं स्कूल प्रबंधन मन ऊपर भी कार्रवाई करे के मांग परिजन मन ह करिन। ये हंगामा के बाद पुसिल ह आरोपी मन के पहचान कर दोनों ल गिरफ्तार कर लेहे। आमानाका थाना पुलिस ह दो संदिग्ध युवक मन ल गिरफ्तार करके पूछताछ करत हावय।