छत्तीसगढ़ म मनरेगा के अंतर्गत 4 साल के टूटिस रिकार्ड

रायपुर,14 जून 2024। मुख्यमंत्री श्री विष्णु देव साय के अगुवई म छत्तीसगढ़ ह फेर विकास के रद्दा म आगू बढ़त हे। एकरे परिणाम हे कि छत्तीसगढ़ म मनरेगा के अंतर्गत 4 साल के रिकार्ड टूटे हे। छत्तीसगढ़ म मनरेगा न सिरिफ मजदूर मन ल रोजगार के अवसर उपलब्‍ध करावत हे बल्कि ऊंखर जीवन म व्यापक बदलाव घलोक लावत हे। छत्तीसगढ़ राज्य मनरेगा (महात्मा गांधी राष्ट्रीय ग्रामीण रोजगार गारंटी योजना) के क्रियान्वयन म नवा कीर्तिमान स्थापित करत हे। वित्तीय साल 2024-25 म महिना अपरेल म 2 करोड़ 57 लाख अउ महिना मई म 3 करोड़ 15 लाख रोजगर सृजित होय हे। ए मुताबिक मई तक 5 करोड़ 82 लाख ले जादा मानव दिवस के रोजगार सृजन कर पाछू चार वित्तीय साल के महिना अपरेल अऊ मई म होए सृजित मानव दिवस के आंकड़ा प्राप्त कर नवा उपलब्धि हासिल करे हे। वित्तीय साल 2021-22 म मई महिना तक 4 करोड़ 81 लाख, साल 2022-23 म मई महिना तक 1 करोड़ 19 लाख, साल 2023-24 म मई महिना तक 4 करोड़ 49 लाख अउ 2024-25 म मई महिना तक 5 करोड़ 72 लाख रोजगार के सृजन होय हे। मनरेगा अंतर्गत विगत 6 महिना म 10 करोड़ 93 लाख मानव दिवस सृजित होए हे उहें 1 लाख 73 हजार निर्माण काम पूरा होय हे। ए सब बात ल छत्‍तीसगढ़ मनरेगा लिस्‍ट म देखे जा सकत हे।