बेमेतरा म कोरोना महामारी ले लड़े बर 40 बिस्तर के कोविड अस्पताल शुरू

बेमेतरा, 4 जुलाई 2020। वैश्विक महामारी कोरोना वायरस संक्रमण ले निपटे बर जिला मुख्यालय बेमेतरा म आईसोलेशन सेन्टर/कोविड केयर सेन्टर के शुरूआत होगे हे। कलेक्टर शिव अनंत तायल ह आज बिहनिया जिला चिकित्सालय परिसर स्थित 40 बिस्तर वाला ये अस्पताल के शुभारंभ करिस। ये अस्पताल म सेन्ट्रल कमाण्ड रुम अउ अलग-अलग पुरुष वार्ड, महिला वार्ड बनाये गे हे। ये वार्ड मन के कलेक्टर ह निरीक्षण करिस। आईसोलेशन सेन्टर/कोविड केयर सेन्टर अस्पताल के चालू होय ले अब कोरोना संक्रमण के जाँच पीपीई कीट के माध्यम ले होय बर लगही। एखर पहली बिना लक्षण वाला धनात्मक केस सैम्पल जाँच बर रायपुर अउ दुर्ग भेजे जावत रहिस। शुभारंभ के मौका म पुलिस अधिक्षक दिव्यांग कुमार पटेल, अपर कलेक्टर संजय कुमार दीवान, एएसपी विमल कुमार बैस, मुख्यचिकित्सा अउ स्वास्थ्य अधिकारी डॉ. एस के शर्मा, नवनियुक्त सिविल सर्जन सह-अस्पताल अधिक्षक डॉ. वन्दना भेले अउ कोविड-19 प्रभारी डॉ. ज्योति जसाठी उपस्थित रहिस हे।