डॉ राजेन्द्र प्रसाद के जयंती अऊ मेजर ध्यानचंद के पुण्यतिथि

मुख्यमंत्री श्री भूपेश बघेल हा आज ईंहा अपन निवास कार्यालय म स्वतंत्र भारत के प्रथम राष्ट्रपति अऊ स्वतंत्रता संग्राम सेनानी भारत रत्न डॉ. राजेन्द्र प्रसाद अऊ हॉकी के जादूगर मेजर ध्यानचंद के चित्र म पुष्प अर्पित करीस ओला नमन करीस। आज डॉ राजेन्द्र प्रसाद के जयंती अऊ मेजर ध्यानचंद कं पुण्यतिथि हावय।
मुख्यमंत्री श्री बघेल हा डॉ. राजेन्द्र प्रसाद के जयंती म ओकर योगदान ला याद करत हुए कहिस कि राजेन्द्र बाबू भारतीय स्वाधीनता संग्राम के महत्वपूर्ण राजनेताओं में से एक रिहिस। ओहा संविधान सभा के अध्यक्ष के रूप म देश ला एक मजबूत संविधान दे बर महत्वपूर्ण भूमिका निभाईस। डॉ. राजेन्द्र प्रसाद हा राष्ट्रपति के राहते राहत स्वतंत्र अऊ निष्पक्ष कार्य के मिसाल प्रस्तुत करीस। ओखर श्रेष्ठ जीवन मूल्य अऊ अमूल्य विचार हमर मन बर हमेशा प्रेरणा देवत रही।
मुख्यमंत्री श्री बघेल हा हॉकी के जादूगर पद्म भूषण मेजर ध्यानचंद के पुण्यतिथि म ऊंकर उपलब्धी मन बर अऊ खेल के क्षेत्र म ऊंखर अमूल्य योगदान ला याद करीस हुए कहिस कि मेजर ध्यानचंद के जादुई खेल से भारत ला ओलंपिक खेल मन में तीन स्वर्ण पदक हासिल होइस। मेजर ध्यानचंद के खेल के प्रति समर्पण अऊ देश प्रेम के भावना हमर सबो झन बर प्रेरणादायक हावय।