कबीरधाम, 27 अप्रैल 2020। कोरोना वायरस के नियंत्रण अऊ रोकथाम बर जारी लॉकडाउन के ये संकट के घड़ी म मुख्यमंत्री श्री भूपेश बघेल के पहल म जिला प्रशासन कबीरधाम कोति ले जिला के आदिवासी बैगा बाहूल पंडरिया विकासखण्ड के पहाड़ी अऊ सुदूर वनांचल म रहइया बैगा परिवार मन ल 45 क्विंटल चावल अऊ आन जरूरी समाग्री के वितरण कराए गए हे। संकट के ये घड़ी म जरूरतमंद मनखे मन ल ऊंखर घरे म पहुंचके राशन अऊ आन जरूरी समाग्री देहे जात हे। कबीरधाम जिला के पंडरिया अऊ बोडला विकाससखण्ड के वनांचल म विशेष पिछड़ा बैगा जनजाति रहिथे। पंडरिया विकासखण्ड के 22 वनांचल ग्राम पंचायत हे, जिहां बैगा जनजाति के बहुलता हे।
जानबा हे के छत्तीसगढ़ सरकार ह लॉकडाउन के बेरा म जरूरतमंद मनखे मन ल राशन अऊ आन जरूरी समान उपलब्ध कराए बर जिला म राशन बैंक खोले हे। एखर अलावा जिला के नगरीय निकाय मन म डोनेशन ऑल व्हील के माध्यम ले जरूरमंद मनखे मन बर राशन समाजसेवी संगठन, नागरिकों अऊ व्यापरिक संगठन मन कोति ले देहे जात हे। जिला म राशन बैंक म बहुत मात्रा म चावल अऊ आन जरूरी समाग्री सकलावत हे।
