46 ग्राम पंचायत बर बैंक के रूप म काम करत हे 10 बैंक दीदी

कोण्डागांव, गांव-गांव म हर घर के मनखे ल रोजगार के अधिकार सुनिश्चित करे बर शासन कोति ले महात्मा गांधी राष्ट्रीय रोजगार गारण्टी योजना (मनरेगा) के तहत् मनखे मन ल रोजगार देवा के डीबीटी के माध्यम ले सीधा ऊंखर खाता म उंखर मजदूरी के भुगतान करे जात हे। अइसन म फरसगांव क्षेत्र के वनांचल म विकासखण्ड मुख्यालय ल मिलाके केवल 5 बैंक के शाखा हे एखर अलावा केशकाल के धनोरा म दू अऊ नारायणपुर जिला म अवइया बेनुर म बैंक के शाखा हवय। जेखर से ग्रामीण मन ल अपन हक के पइया ल प्राप्त करे बर लम्बा रद्दा तय करके दूसर गांव म जाके लम्बा लम्बा कतार म खड़े होके पइसा निकालत रहिन। अइसन म उमन ल केवल खाता म पइसा के जानकारी बर बहुत अकन कष्ट उठाए ल परत रहिस संगेच पइसा के जानकारी के अभाव म उमन ल मनरेगा ले प्राप्त पइसा के जानकारी नइ मिले म उ मन मनरेगा काम ले घलोक विमुख हो जात रहिन।
अइसन म मनरेगा कलेक्टर पुष्पेन्द्र कुमार मीणा के आगू शिकायत के संख्या म बढ़ोतरी उपर पुछताछ म अधिकतर श्रमिक मन ल भुगतान खाता म होए के बाद घलोक उंखर अनभिज्ञता के कारण ऊंखर मनोबल म कमी आए के बात अधिकारी मन बताईन। अइसे म कलेक्टर ह श्रमिक मन के मनोबल ल उंचा उठाए अउ उमन ल उचित भुगतान कराए के जरूरत ल देखत मनरेगा के सबो भुगतान ल कार्यस्थल म ही करवाए के निर्देश दीन। एमा जिला पंचायत सीईओ प्रेमप्रकाश शर्मा ह फरसगांव विकासखण्ड म पायलेट प्रोजेक्ट के रूप म विकासखण्ड अंतर्गत अवइया 73 ग्राम पंचायत मन म ले 44 बैंक विहिन अउ दूरस्थ ग्राम मन के 14098 एक्टिव जॉबकार्ड धारक मन बर बिहान समूह मन के माध्यम ले 10 बैंक सखी मन के नियुक्ति करे गीस।
ए बैंक सखी मन म करुणा, रुखमनी, धनमती, रूपेशवरी, खेमेश्वरी, जयंती, शारदा जैन, हेमबती, पुष्पा, सावित्री सामिल हे। ए बीसी सखी मन ल गांव वाले मन बैंक दीदी कथें। ए बैंक सखी मन 44 ग्राम पंचायत म एफटीओ जारी होए के बाद ग्राम पंचायत के सचिव, रोजगार सहायक मन कोति ले ग्राम पंचायत म मजदूरी भुगतान के सूचना मजदूर मन ल देहे जाथे। जेकर आधार म बीसी मन काम स्थल अउ गांव वाले मन के सुविधा मुताबिक ग्राम पंचायत भवन म मजदूरी भुगतान के काम करे जात हे।