5 महिला समेत 20 नक्सली मन ह करिन आत्मसमर्पण

सुकमा 09, दिसम्‍बर 2023
सुकमा पुलिस के आगू 5 महिला समेत 20 नक्सली मन ह आत्मसमर्पण करे हें। आत्म समर्पण करइया सबो नक्सली जिला के जगरगुंडा इलाका म सक्रिय रहिन। सुकमा पुलिस पूना नर्कोम अभियान चलावत हे। नक्सली मन ह छत्तीसगढ़ शासन के नक्सलवाद उन्मूलन नीति अऊ पूना नर्कोम अभियान ले प्रभावित होके सरेंडर करे हें।
नक्सली मन के अमानवीय, आधारहीन विचारधारा व ऊंखर शोषण, अत्याचार व बाहरी नक्सली मन के भेदभाव करे अऊ स्थानीय आदिवासि मन के होवइ हिंसा ले तंग आके सनिच्‍चर 9 दिसंबर के प्रतिबंधित नक्सली संगठन म सक्रिय 5 महिला संग 20 नक्सली मन ह सरेंडर करिन। सबो आत्म समर्पित नक्सली मन ल छत्तीसगढ़ शासन के ‘‘छत्तीसगढ़ नक्सलवाद उन्मूलन नीति’’ के तहत सहायता राशि अउ आन सुविधा प्रदान करे जाही। आत्मसमर्पित नक्सली मन ह नक्सल ऑपरेशन कार्यालय सुकमा म एसपी किरण चव्हाण, संदीप मित्तल एडिशनल एसपी सुकमा, प्रभात कुमार अकतहा पुलिस अधीक्षक नक्सल ऑप्स सुकमा, परमेश्वर तिलकवार पुलिस अनुविभागीय अधिकारी, उत्तम प्रताप सिंह उप पुलिस अधीक्षक बस्तर फाईटर, निरीक्षक उत्तम सिंह गावड़े प्रभारी नक्सल सेल के आगू बिना हथियार के आत्मसमर्पण करिन।
मिलिशिया डिप्टी कमाण्डर उईका लखमा, डीएकेएमएस सदस्य बुधराम, डीएकेएमएस सदस्य नरसिंह, डीएकेएमएस सदस्य टांगरू कुंजाम, मिलिशिया सदस्य सोड़ी रत्ती, मिलिशिया सदस्य ​​​​​​​तेलाम अर्जुन, ​​​​​​​मिलिशिया सदस्य ​​​​​​​मड़कम सुरेश, मिलिशिया सदस्य​​​​​​​ कुंजाम नन्दा, मिलिशिया सदस्य​​​​​​​ सोड़ी समर, मिलिशिया सदस्य​​​​​​​ काको चिल्को। मिलिशिया सदस्य ​​​​​​​सोड़ी मंगो, केएएमएस उपाध्यक्ष​​​​​​​ सोड़ी एंकी, सीएनएम सदस्य अजय तेलाम, सीएनएम सदस्य कट्टम फुलो, मिलिशिया सदस्य कट्टम अर्जुन, मिलिशिया सदस्य कट्टम सोमे, मिलिशिया सदस्य​​​​​​​ सोड़ी हड़मा, मिलिशिया सदस्य ​​​​​​​माड़वी लखमू, मिलिशिया सदस्य​​​​​​​ जगतराम नाग थाना जगरगुण्डा जिला सुकमा सामिल हें।