5 नक्सली मन ह एसपी के आगु करिस सरेंडर, 5 लाख के इनामी घलो शामिल

दंतेवाड़ा, 5 फरवरी 2021। दंतेवाड़ा म 5-5 लाख के दू ईनामी नक्सली सहित 5 नक्सली मन ह एसपी के आगु सरेंडर कर देहे हे। पुलिस के लोन वर्राटू अभियान ले प्रभावित होके नक्सली मन मुख्य धारा म शामिल होय के डाहर कदम बढ़ाये हे। सबो सरेंडर करइया नक्सली मन ल 10-10 हजार रुपिया के प्रोत्साहन राशि देहे गिस हे। जानकारी के अनुसार आत्मसमर्पण करइया सबो नक्सली भैरमगढ़ एरिया कमेटी म लम्बा बेरा ले सक्रिय रहिस। गंगू उर्फ लखन (ACM कमांडर), लक्ष्मी उर्फ सन्नी (ACMकमांडर) दुनों ऊपर 5 लाख के ईनाम रहिस।