कवर्धा,17 अगस्त 2020। शराब तस्करी म विशेष रूप ले कार्यवाही करे के दिशा निर्देश मिले अनुसार थाना प्रभारी अनिल शर्मा अउ थाना प्रभारी चिल्फी रमाकांत तिवारी ह संयुक्त रूप ले वरिष्ठ अधिकारी मन के मार्गदर्शन म टीम तैयार करे गे रहीस । 15 अगस्त के मुखबिर मन के सूचना म एक 10 चक्कीया ट्रक म हरियाणा ले अवैध शराब छत्तीसगढ़ पहुचाय जावत रहीस हे। मुखबिर मन के अनुसार ट्रक क्रमांक एचआर 73.7086 ल रोक के पूछताछ करिन विधिवत तलाशी लेय के उपरांत ट्रक म कीटनाशक दवाई के पेटी आड़ म बड़का चालाकी ले पुलिस ल धोखा देय बर तस्कर मन बोरी म शराब ल लुका के रखे रहिन। पुलिस ह 1100 पौवा इम्पेक्ट ग्रीन विस्की, 36 बॉटल आईबी,12 बॉटल रॉयल स्टेग अंग्रेजी शराब पूरा 234 बल्क लीटर किमत 173640 रुपए के बरामद करिन।
अवैध शराब तस्करी म लिप्त आरोपी नरेश पिता भागीरथी श्रीचंद उम्र 23 वर्ष निवासी होडल जिला पलवन राज्य हरियाणा, संजू पिता क्षेत्रपाल उम्र 28 वर्ष निवासी दौलतपुर थाना फरैया जिला मथुरा उत्तर प्रदेश, भगत पिता नवाब सिंह 27 वर्ष निवासी खेडली थाना हतिन जिला पलवल हरियाणा, चरण पिता बलदेव उम्र 38 वर्ष निवासी होडल थाना होडल जिला पलवन हरियाणा, सोनु पिता शत्रुहन देवागंन उम्र 29 वर्ष साकिन सिल्हाटी थाना स0 लोहारा के विरूध्द धारा 34(2) आबकारी कानून के अंतर्गत नियमनुसार कार्यवाही करे गिस। अपराध म प्रयुक्त एक ट्रक क्रमांक एचआर 73-7086 कीमत 20 लाख रुपिया एक एक्टीवा 40 हजार रुपपिया, कीटनाशक दवाई कीमत 16 लाख रुपए ये प्रकर से प्रकरण म जप्ती मशरूका कीमत 38 लाख 13 हजार 640 रुपए ल जप्त करिन ।