कांकेर। छत्तीसगढ़ के कांकेर जिला के कोतवाली थाना इलाका म जैन परिवार के घर म घुसके 50 ले ज्यादा लोग मन लाठी, रॉड, डंडा ले जमके पिटाई करिन अउ धारदार हथियार ले हमला भी कर दिस. जेखर ले कतको झन ल चोट आये हे अउ दो के हालत गंभीर हे. जोन मन ल अस्पताल म भर्ती कराये गये हे. मामला म पुलिस ह सात झन ल गिरफ्तार करे हे.
घटना मंगलवार संझा के हे.हमला म घायल लोकेश जैन के अनुसार माकड़ी गांव म मेला लगे हे. जिहा गांव के कुछ युवक मन के संग जैन परिवार के एक सदस्य के विवाद होय रहिस. यही बात ले गुस्साएं लोग मन हमला कर दिस अउ घर म तोड़फोड़ करके परिवार के संग जमके मारपीट करिस. घर के बाहर खड़े एक स्कूटी अउ बाइक ल आग के हवाला कर दिस अउ कार म तोड़फोड़ करिन. यही बीच पीड़ित परिवार कोतवाली पुलिस ले खुद ल बचाये के गोहार लगात रहीन, लेकिन पुलिस समय म माकड़ी गांव नई पहुंचीस.
एएसपी कीर्तन राठौर ह बताइस कि मामला म सात झन ल हिरासत म ले गए हे. बाकी आरोपी मन के पहचान कर जल्दी ही उंखरो गिरफ्तारी करे जाही. फिलहाल पूरा मामला के जांच करे जावत.
50 ले ज्यादा लोग मन घर म घुसके करिन तोड़फोड़ अउ धारदार हथियार ले हमला,दो के हालत गंभीर,7 गिरफ्तार
