रायपुर, 22 जनवरी 2024। पूरा मुंगेली जिला रहिस राममय, जगा-जगा होइस रंग-रंग के आयोजन। लोरमी म 5 टन बोइर ले बने रामलला के आकृति ह खींचीस मनखे मन के ध्यान। राम मंदिर म प्राण प्रतिष्ठा के मौका म आयोजित कार्यक्रम म सामिल होइन उप मुख्यमंत्री।
उप मुख्यमंत्री श्री अरुण साव आज अयोध्या म नवनिर्मित श्रीराम मंदिर के प्राण प्रतिष्ठा के अवसर म लोरमी म आयोजित कार्यक्रम म सामिल होइन। उमन कार्यक्रम म मौजूद मनखे मन अऊ जनप्रतिनिधि मन के संग अयोध्या म प्राण प्रतिष्ठा अनुष्ठान के सीधा प्रसारण देखीन अऊ एखर साक्षी बनीन। कार्यक्रम म अतिथि मन के तिलक लगाके अऊ गमछा भेंटकरके स्वागत करे गीस। पूरा देश के जइसे मुंगेली जिला म घलोक आज हर कोती हर्ष अऊ उल्लास के माहौल रहीस। जिला म दिनभर पूरा वातावरण राममय रहीस।