रायपुर, मुख्यमंत्री श्री भूपेश बघेल के घोषणा के बाद अब सामान्य प्रशासन विभाग ह आदेश जारी करे हे। तेकर मुताबिक अवइया 22 फरवरी ले सरकारी आपिस मन म सिरिफ पांच दिन काम होही। सामान्य प्रशासन विभाग के सचिव ह ये बारे म प्रस्ताव भेज देहे हे। एकर संगेंच सरकारी आपिस मन म कर्मचारी मन के काम के घंटा बाढ़ जाही। रोज आधा घंटा के बढ़ोत्तरी होही। शनिवार- इतवार के छुट्टी मन ल जोड़े जाए त ये हिसाब ले सरकारी काम करईया मन ह महिना म सिरिफ दू घंटा कम काम करही। पहिली महिना म काम करे के घेटा 156 होत रहिस। अब नवा व्यवस्था के हिसाब ले 154 घंटा के काम के बेरा होही। आदेश के मुताबिक मंत्रालय, विभागाध्यक्ष कार्यालय अऊ मैदानी कार्यालय दुनों मन बर बेरा दस ले साढ़े पांच बजे निरधारित होही। मने सरकारी आपिस 7 घंटा खुले रइही। ये काम के बेरा म आधा घंटा के जेवन करे के बेरा घलोक सामिल हे मने अब लंच हे कहिके तीन-तीन घंटा सरकारी करमचारी मन फरियादी मन ल घुमा नइ सकें।
22 फरवरी ले सरकारी आपिस मन म सिरिफ 5 दिन होही काम, लंच सिरिफ आधा घंटा के
