- मुख्यमंत्री सुपोषण अभियान के तहत 6 हजार 410 लइका मन ल मिलीस सूखा राशन
- 8 हजार 887 गर्भवती महिला अऊ 9 हजार 858 शिशुवती माता मन ल घर-घर पहुंचके अकतहा पोषण अहार दे गीस
कवर्धा, 24 जून 2020। कोरोना संक्रमण के बढ़त बेरा म घलोक छत्तीसगढ़ सरकार के कई लोक कल्याणकारी योजना मन के लाभ राज्य के दूरस्थ क्षेत्र मन के आखरी मनखे तक पहुंचाए जात हे। मानव जीवन के मूलभूत जरूरत रोटी, कपड़ा अऊ मकान होथे। समय के संगें-संग जरूरत बदलत गीस अऊ ए जरूरत मन म रोजगार घलोक जुड़ गीस। महिला अउ बाल विकास विभाग कोति ले संचालित योजना मन के तहत हितग्राही मन ल रोटी के पूर्ति बर सूखा राशन उपलब्ध कराया जात हे, उहें योजना मन के क्रियान्वयन बर ये संक्रमण काल म घलोक महिला स्व-सहायता समूह मन ल रोजगार घलोक देहे जात हे। पौष्टिक खाद्य अउ पोषण आहार नान्हें लइका अऊ माता मन बर अति जरूरी हे, एला देखत आंगनबाड़ी बंद होए के दशा म घलोक ग्रामीण अऊ दूरस्थ क्षेत्र मन म पौष्टिक आहार वितरण ल घर पहुंच सेवा के माध्यम ले सुनिश्चित करे जात हे। आंगनबाड़ी कार्यकर्ता, सहायिका ले लेके स्वास्थ्य मितानिन घलोक अपन-अपन दायित्व म लगे हें। कबीरधाम जिला म लॉकडाउन ले लेके अब तक विभाग कोति ले संचालित अलग-अलग योजना मन के तहत 1 लाख 9 हजार 34 हितग्राही मन तक सूखा राशन, रेडी टू ईट, पौष्टिक आहार अऊ आन समाग्री घलोक पहुंचाए गए हे।
