रायपुर, 30 मई 2020। राजधानी के मुजगहन थाना क्षेत्र के छछानपैरी म एक बुजुर्ग महिला के हत्या कर दिये गये हे. महिला के शव ओखर खटिया म सड़े-गले अवस्था म बरामद होय हे. पोस्टमार्टम रिपोर्ट म हत्या करे जाये के बात आगु आये हे. पुलिस ह अज्ञात आरोपी के तलाश करत हे. मुजगहन पुलिस ले मिले जानकारी के अनुसार बुजुर्ग महिला के पहचान 65 वर्षीय बाल्की विश्वकर्मा के रूप म होय हे. वो घर म अकेल्ला राहय. महिला के हत्या दो ले तीन दिन पहली करे गये हे, जेखर सेती शव पूरा तरह ले सड़ चुके रहिस. एखर सेती मउत के वजह साफ नई हो पाये रहिस. लेकिन जब पीएम रिपोर्ट आइस, तब महिला के गाल, नाक, होठ अउ हाथ के कलाई के तिर चोट पाये गिस. पुलिस ह अज्ञात आरोपी के खिलाफ हत्या के केस दर्ज करके पूरा मामला के जांच म जुटगे हे.
65 साल के बुजुर्ग महिला के हत्या, अज्ञात आरोपी के तलाश म जुटिस पुलिस
