रायपुर, 09 अप्रैल 2020। छत्तीसगढ़ म कोरोना पाॅजिटिव के 7 नवा मामला आगु आये हे. राज्य म अब कोरोना के कुल 9 एक्टिव केस होगे हे. बताये जावत हे कि सबो पाॅजिटिव पाये गे मरीज कोरबा जिला के कटघोरा के रहने वाला हे. वो सब ल एम्स लाये के तइयारी करे जावत हे. राज्य सरकार के उच्च पदस्थ अधिकारी मन ह एखर पुष्टि कर दिये हे.
बताये जावत हे कि सातों नवा पाॅजिटिव केस तबलीगी जमात ले जुड़े हे. बुधवार के रात आगु आये मरीज घलो जमात ले जुड़े रहिस. येति कटघोरा म जमात ले जुड़े सबो लोगन मन के सैम्पल ले जाये के कवायद तेज कर दिये गए हे.
ये सात नवा केस मन ल जोड़ दे जाये तो राज्य म अब तक कोरोना पाॅजिटिव के कुल 18 मामला आगु आये हे. हालांकि एखर पहली तक 9 मरीज मन के रिपोर्ट निगेटिव आये के बाद उमन ल छुट्टी दे दिये रहिस.
