छत्तीसगढ़ म सक्रिय जॉब-कॉर्ड के संख्या के 71 फीसदी मजदूर मन ल काम

• मनरेगा म 9923 पंचायत मन म 23.11 लाख श्रमिक करत हें काम
• 41732 काम के साथ गांवेच म रोजगार

रायपुर, 12 मई 2020। छत्तीसगढ़ म मनरेगा के अंतर्गत सक्रिय जॉब-कॉर्ड के कुल संख्या के 71 फीसदी मजदूर अभी काम करत हें। अभी हाल म प्रदेश के 9923 ग्राम पंचायत मन म मनरेगा के तहत काम शुरू करे गए हे। एमां 23 लाख 11 हजार 600 श्रमिक काम करत हें। प्रदेश भर म अभी प्रगतिरत 41 हजार 732 काम मन के संग काम करे के इच्छुक मजदूर मन ल गांव म ही रोजगार उपलब्‍ध कराए गए हे। प्रदेश म मनरेगा के अंतर्गत जॉब-कॉर्डधारी मजदूर मन के कुल संख्या 38 लाख 89 हजार 017 हे। एमां सक्रिय कॉर्ड के संख्या 32 लाख 38 हजार 409 हे।

रायपुर अऊ बिलासपुर जिला म काम करइया मजदूर मन के संख्या सक्रिय जॉब-कॉर्डधारी मन के संख्या ल घलोक पार कर गए हे। ए दुनों जिला मन म सक्रिय जॉब-कॉर्ड के संख्या के विरूद्ध क्रमशः 107 प्रतिशत अऊ 106 प्रतिशत श्रमिक काम करत हें। आमतौर म मनरेगा के अंतर्गत काम के मांग नइ करइया श्रमिक परिवार मन ल घलोक अभी उंखर जरूरत म रोजगार उपलब्‍ध कराए गए हे। रायपुर जिला म एक लाख 19 हजार 154 अऊ बिलासपुर म एक लाख 30 हजार 336 सक्रिय जॉब-कॉर्ड हे। उहें ए जिला मन म जॉब-कॉर्डधारी मजदूर मन के संख्या क्रमशः एक लाख 48 हजार 323 अऊ एक लाख 77 हजार 986 हे। कई ठन मनरेगा काम मन म जिहां अभी रायपुर म एक लाख 27 हजार 306 मजदूर काम करत हें, उहें बिलासपुर म ये संख्या एक लाख 37 हजार 531 हे।

सक्रिय जॉब-कॉर्ड के संख्या के विरूद्ध बालोद जिला म अभी 94 प्रतिशत, महासमुंद म 92 प्रतिशत, मुंगेली म 91 प्रतिशत, बलौदाबाजार-भाटापारा अऊ राजनांदगांव जिला म 83-83 प्रतिशत, गौरेला-पेंड्रा-मरवाही म 82 प्रतिशत अऊ कबीरधाम म 80 प्रतिशत श्रमिक काम करत हें। अभी हाल म बालोद म एक लाख 28 हजार 847, महासमुंद म एक लाख 55 हजार 406, मुंगेली म एक लाख एक हजार 463, बलौदाबाजार-भाटापारा म एक लाख 59 हजार 855, राजनांदगांव म दू लाख 12 हजार 458, गौरेला-पेंड्रा-मरवाही म 44 हजार 655 अऊ कबीरधाम जिला म एक लाख 30 हजार 477 मजदूर मन ल रोजगार मिले हे।

कोविड-19 के चलत लागू देशव्यापी लॉक-डाउन म ग्रामीण मजदूर मन ल स्थानीय स्तर म रोजगार मुहैया कराए अऊ अर्थव्यवस्था के मजबूती बर मनरेगा के तहत प्रदेश भर म व्यापक स्तर म काम शुरू करे गए हे। एखर अंतर्गत जल संरक्षण काम मन के संगेच सामुदायिक अऊ व्यक्तिमूलक आजीविका संवर्धन के काम प्रमुखता ले संचालित हे। कई ठन मनरेगा काम मन म अभी जशपुर जिला म 88 हजार 930, दुर्ग म 65 हजार 434, धमतरी म एक लाख एक हजार 110, जांजगीर-चांपा म एक लाख 30 हजार 407, बेमेतरा म 78 हजार 271, सरगुजा म 70 हजार 923, बलरामपुर-रामानुजगंज म 63 हजार 962, बीजापुर म 19 हजार 950, दंतेवाड़ा म 19 हजार 048, सूरजपुर म 73 हजार 199, गरियाबंद म 71 हजार 540, कोरिया म 56 हजार 182, नारायणपुर म दस हजार 549, सुकमा म 25 हजार 950, रायगढ़ म 82 हजार 188, कांकेर म 52 हजार 955, कोरबा म 48 हजार 611, कोंडागांव म 29 हजार 122 अऊ बस्तर म 28 हजार 271 श्रमिक काम काम करत हें।