कवर्धा, 18 दिसम्बर 2020। कबीरधाम जिला के 8 कराते खिलाड़ी मन ह ब्लैक बेल्ट के परीक्षा उत्तीर्ण करिन हे। एमा रोशनी बंजारे, पुष्पांजलि बंजारे, स्वेता यादव, नेहा यादव,दुर्गेश नवरंगे,पीयूष सहारे, रुषतम बंजारे, हिमांशु बंजारे शामिल हे। परीक्षा म कराते खिलाड़ी मन ल कराते के बेसिक अऊ तकनीकी जानकारी देहे गिस। सबो खिलाड़ी मन ह पुलिस विभाग के आरक्षक आकाश सिंह राजपूत के मार्गदर्शन म करपात्री उच्चतर माध्यमिक विद्यालय म नियमित अभ्यास करे हे। कबीरधाम जिला कराते संघ के अध्यक्ष ठाकुर पीयूष सिंह, उपाध्यक्ष अजय यादव, सहसचिव आशीष दुबे, कोषाध्यक्ष आशीष मित्तल,सदस्य कैलाश शर्मा,श्याम चकोर, वैभव नाहटा, शियराम यादव ह सबो खिलाड़ी मन ल परीक्षा उत्तीर्ण करे म शुभकामना अऊ सबो के उज्ज्वल भविष्य के कामना करिन हे। परीक्षा राजनांदगांव के कस्तूरबा महिला मंडल म शिको काई शीतोरियू कराते इंडिया के तत्वावधान म व शिहान भरत शर्मा के मार्गदर्शन म होइस। छत्तीसगढ़ के वरिष्ठ कराते प्रशिक्षक सेंसेई मुरली सिंह भारद्वाज ह ब्लैक बैल्ट परीक्षा के आयोजन राजनंदगांव मार्शल आर्ट अकेडमी म करिन।
कबीरधाम जिला के 8 कराते खिलाड़ी मन ह उत्तीर्ण करिन ब्लैक बेल्ट परीक्षा
