जगदलपुर, 28 नवम्बर 2020। ओडिशा के एसओजी अऊ डीवीएफ अऊ आंध्रप्रदेश के बीएसएफ अऊ ग्रेहाउंड फोर्स के संयुक्त ऑपरेशन म गुरुवार के मलकानगिरी के जंत्री इलाका के जंगल म होय मुठभेड़ म 8 लाख के इनामी नक्सली किशोर उर्फ मासा कवासी ल मार गिरइस। मारे गए नक्सली के पास ले जवान मन ह एके 47 राइफल, आईईडी समेत अन्य नक्सली सामग्री बरामद करे हे। मुठभेड़ स्थल ले एक घायल नक्सली घलो जवान मन के हत्था चढ़े हे। घायल नक्सली के पहचान मलकानगिरी जिला के जोदाम्बो थाना क्षेत्र निवासी लैखन उर्फ लक्ष्मण गालोरी के रूप म करे गए हे। मलकानगिरी पुलिस के मुताबिक गुरुवार के एनकाउंटर म मारे गए नक्सली किशोर उर्फ मासा बस्तर जिला के चांदामेटा गांव के रहने वाला रिहिस। पिछु 13 वर्ष ले नक्सली संगठन म विभिन्न पद म सक्रिय रिहिस। वर्तमान म मासा आंध्र प्रदेश अऊ ओडिशा प्रदेश जोनल कमेटी अंतर्गत सैन्य प्लाटून कमांडर के रुप म सक्रिय रिहिस। बताय गिस कि ये पहली मउका रिहिस जब फोर्स ह मलकानगिरी जिला के स्वाभिमान अंचल के जंत्री इलाका म सर्चिंग ऑपरेशन लांच करे रिहिस। पुलिस के पास ये इलाका म बड़का कैडर के नक्सली के कैंप करे के पुख्ता सूचना रिहिस।
मुठभेड़ स्थल ले ये हथियार अऊ सामग्री बरामद होइस
मुठभेड़ स्थल ले जवान मन ह एक एके 47 राइफल, 3 मैग्जीन म 40 राउंड गोली, 1 आईईडी, 11 नग इलेक्ट्रिक डेटोनेटर, 2 वायरलेस सेट, 1 वॉकीटॉकी, 2 रिमोर्ट, कैमरा फ्लैश, एंपीयर मीटर, दु पिट्ठू बैग, वॉच, नाइफ, दवई अऊ नक्सली साहित्य बरामद करे हे।