रायपुर, 7 जून 2020। छत्तीसगढ़ म कोरोना अब्बड़ तेजी ले बढ़त हे. प्रदेश म शनिवार के 84 नवा कोरोना मरीज मिले हे. एखर पहली शुक्रवार के 129 नवा मरीज मिले रहिस. राजधानी रायपुर म सबले जादा मरीज मिले के रिकार्ड टूटगे। इहां शनिवार के एक ही दिन म 15 नवा मरीज मिले हे. शनिवार के मिले कोरोना मरीज के आंकड़ा ल देखन त कवर्धा ले 28, बलौदाबाजार ले 14, रायपुर ले 15, कोरबा ले 10, दुर्ग ले 6, रायगढ़ ले 3, बिलासपुर ले 3, मुंगेली ले 2, जशपुर ले 1, सूरजपुर ले 1 अउ कांकेर ले 1 मरीज मिले हे. प्रदेश म एक्टिव मरीज मन के संख्या 721 होगे हे. वहीं कुल 984 कोरोना संक्रमित अभी तक प्रदेश म मिले चुके हे, अब तक 259 मरीज पूरा तरह ले ठीक हो चुके हे. जबकि प्रदेश म अब तक कुल 4 लोग मन के मउत हो चुके हे. पिछला दिन प्रदेश के अलग-अलग अस्पताल मन ले कुल 22 मरीज डिस्चार्ज होय हे.
छत्तीसगढ़ म 84 नवा मरीज मिलिस, राजधानी म 15 नवा कोरोना मरीज समेत प्रदेश म आंकड़ा अब 1000 के करीब पहुंचिस
