महासमुन्द, 21 मई 2021। वन अऊ जलवायु बदलाव मंत्री श्री मोहम्मद अकबर के हुकुम के मुताबिक विभाग कोति ले राज्य भर म वन अपराध के रोकथाम बर सघन अभियान चलाए जात हे। इही कड़ी म वनमण्डलाधिकारी महासमुन्द पंकज राजपूत ह बताइस के 19 मई के वन परिक्षेत्र महासमुन्द म झलप तीर कोलपदर म जंगली सूंरा के अवैध शिकार के प्रकरण म 9 आरोपी मन ल गिरफ्तार कर ले गए हे।
आरोपी मन ह कोलपदर म बिजली तार म करेंट लगा के चार ठन जंगली सूंरा के पिला मन के शिकार करे रहिन। वन विभाग ह आरोपी मन के खिलाफ वन्यप्राणी (संरक्षण) अधिनियम के तहत प्रकरण दर्ज करके जरूरी कार्रवाई करे हे। संगेच आरोपी मन तीर ले 557 मीटर जीआई तार करीबन 3.56 किलोग्राम, 31 खुटी, 01 नग तीर अऊ शिकार म काम आए वाला आन चीज मन ल घलोक जब्त करे गए हे। ए आरोपी मन म कोलपदर निवासी चमार सिंह खडि़या, रातु सिंह कमार, गीस राम ध्रुव, बुटिया विश्वकर्मा, परेदशी निषाद, साधुराम यादव, लोकेश यादव, कैलाश कुमार अऊ हृदय राम साहू सामिल हे।
जंगल के बधिया के अवैध शिकार म 9 आरोपी पकड़ाईस
