जुआ खेलत 9 जुआरी गिरफ्तार, 45 हजार रुपिया जब्त

राजनांदगांव, 19 दिसम्बर 2020। लालबाग थाना पुलिस ह कार्रवाई करत हुए जुआ खेलत 9 जुआरी मन ल शनिवार के गिरफ्तार करे हे। पुलिस ल मुखबिर ले सूचना मिलिस कि बनभेड़ी नहरपार म कुछ जुआरी ताश के 52 पत्ती के माध्यम ले हार जीत के दाव लगाके जुआ खेलत हे। एखर ऊपर पुलिस अधीक्षक डी.श्रवण, अतिरिक्त पुलिस अधीक्षक कविलाश टण्डन, नगर पुलिस अधीक्षक मणीशकर चन्द्रा के निर्देशन म लालबाग थाना पुलिस ह एक टीम गठित करिन। मुखबिर के सूचना के आधार म निरीक्षक राजेश साह अऊ थाना पेट्रोलिंग स्टाफ ह घेराबंदी करके बनभेडी नहरपार म जुआ रेड के कार्रवाई करिन। एमा 9 जुआरी मन ल पुलिस ह जुआ खेलत पकड़ीस।  पुलिस ह जुआरी मन के पास ले 45,220 रुपिया, 10 मोबाइल, 5 मोटर साइकल अऊ एक कार जब्त करिन हे।