रायपुर, 11 जून 2020। छत्तीसगढ़ म कोरोना वायरस के संक्रमण दिनो- दिन तेजी ले बढ़त जावत हे. कोरोना संक्रमित मन के संख्या बढ़े के संग ही कुल मरीज मन के आंकड़ा घलो 1400 के करीब पहुंचगे हे. कई जिला म कोरोना के विस्फोट होय हे, जेखर ले एकाएक मरीज मन के संख्या म इजाफा होय हे.
स्वास्थ्य विभाग के अनुसार बुधवार के रात 97 नवा कोरोना पॉजिटिव मरीज मन के पहचान होय हे. जोन म ले बिलासपुर 40, कोरबा 25, रायगढ़-महासमुन्द 7-7, रायपुर 5, दुर्ग-राजनांदगांव 3-3, कवर्धा-मुंगेली 2-2, सरगुजा-सुरजपुर-बेमेतरा म 1-1 मरीज मिले हे.
बता देथन कि प्रदेश म कुल कोरोना संक्रमित मन के संख्या 1397 होगे हे. एक्टिव मरीज मन के संख्या बढ़ के 982 होगे हे. अभी तक 401 मरीज स्वस्थ होय के बाद अस्पताल ले डिस्चार्ज होय हे. वहीं कोरोना ले 6 लोग मन के मउत हो चुके हे.
