रायपुर, राजधानी म नाबालिग नोनी ले दुष्कर्म के मामला आगू आए हे। आमानाका इलाका के रहवइया एक नाबालिग नोनी ल ओखर कका ह बेंझाल के भगा लेहे रहिस अऊ ओखर संग जनाकारी कर देहे रहिस। डर अऊ लाज के सेती वो नोनी ह घर नइ लहुटत रहिस। घरवाले मन ह ओला मंगल के रात दीनदयाल उपाध्याय ऑडिटोरियम तीर बदहवास हालत म पाइन। त ये मामला ल सरस्वती नगर थाना म बताइन। सरस्वती नगर थाना म नोनी के एक परोसी के बताती, ये घटना इतवार के हे। नोनी नाबालिग हे अऊ 9वीं कक्षा म पढ़थे। ओखर परोस म रहइया युवक ओला कोनो डहर ले गए रहिस। वो टूरा डब्बा सब्बा बनाए के काम करथे। लड़की ओ टूरा ला कका कहय। परोसी के बताए के मुताबिक पुलिस म रिपोट लिखाए गए रहिस फेर पुलिस ह लड़की ल खोजे के कोइ कोसिस नइ करिस। लड़की के घरवाले अऊ हमन जगा-जगा खोजत रहेन।
मंगल के संझा कोनो ह लड़की के दीनदयाल उपाध्याय ऑडिटोरियम तीर होए के जानकारी दीस। घरवाले उहां पहुंचिन त वो बदहवास हालत म मिलीस। वो परिजन मन के डर अऊ सरम के सेती ले घर नइ जात रहिस। बिना खाये-पीये वो भटकत रहिस। घरवाले मन के पूछे म ओ ह अपन संग होए घटना के जानकारी दीस। ओखर बाद सबो मन सरस्वती नगर थाना पहुंच के दुष्कर्म के शिकायत करके कार्रवाई के मांग करे हें। डब्बा बनईया टूरा अभीन तक धराए नइ ये।
नवमी के छात्रा के संग ओकर कका ह करिस जनाकारी, ऑडिटोरियम तीर बेहोश मिलीस नोनी
