रायपुर, मुख्यमंत्री श्री भूपेश बघेल ह आज अंबिकापुर के सर्किट हाउस म सरगुजा जिला के वनांचल म रहइया 301 वनवासी मन ल उंखर बेहतर जीवन यापन अउ समृद्धि बर वन अधिकार पट्टा प्रदान करिस। मुख्यमंत्री ह कहिन के ये वन अधिकार पट्टा उंखर अधिकार ये। एखर तहत सरगुजा जिला के उदयपुर जनपद के 217 अऊ लखनपुर जनपद के 84 वनवासी मन ल वन अधिकार पट्टा प्रदान करे गीस।
पट्टा वितरण कार्यक्रम म पंचायत अउर ग्रामीण विकास मंत्री श्री टी.एस. सिंहदेव, स्कूल शिक्षा, आदिम जाति अउर अनुसूचित जाति विकास विभाग मंत्री श्री प्रेमसाय सिंह टेकाम, सरगुजा क्षेत्र आदिवासी विकास प्राधिकरण के अध्यक्ष श्री खेलसाय सिंह, सरगुजा क्षेत्र आदिवासी विकास प्राधिकरण के दुनों उपाध्यक्ष श्री बृहस्पत सिंह अउर श्री गुलाब कमरो, विधायकगण सर्वश्री अमरजीत भगत, चिंतामणी महाराज, डॉ. प्रीतम राम सिंह, पारसनाथ राजवाडे़, डॉ. विनय जायसवाल, श्रीमती अम्बिका सिंह देव, विनय कुमार भगत, श्री यू.डी. मिंज, मुख्य सचिव श्री सुनील कुजूर, अपर मुख्य सचिव पंचायत अउर ग्रामीण विकास विभाग श्री आर.पी. मण्डल संग आन वरिष्ठ अधिकारीगण अउर गणमान्य नागरिक उपस्थित रहिन।
