रायपुर, मुख्यमंत्री श्री भूपेश बघेल ह आज इहां मंत्रालय म कलेक्टर कॉन्फ्रेंस म विद्युत संबंधी शिकायत मन म अपन नाराजगी व्यक्त करिन। उमन कहिन के हॉले म सरगुजा संभाग के दौरा के समय विद्युत संबंधी बहुत अकन समस्या उहां के नागरिक अऊ जनप्रतिनिधि मन ले मिले रहिस। शिकायत मन के गंभीरता ल देखत संभाग के दू अधीक्षण यंत्री (एस.ई.) अउ सात डिवीजनल इंजीनियर (डी.ई.) ल निलंबित करे गीस।
मुख्यमंत्री ह कहिन राज्य म बिजली के बहुत उत्पादन होथे फेर अइसन शिकायत मन के आना खेदजनक हे। मुख्यमंत्री ह कहिन कहूं संबंधित अधिकारी मन कोति ले विद्युत संबंधी गड़बड़ी अउ शिकायत मन ल दूर नइ करे जाए त ऊंखर विरूद्ध सख्त ले सख्त कार्यवाही करे जाही अऊ केवल निलंबने भर नइ बल्कि बर्खास्त करे के कार्रवाही घलोक करे जा सकत हे। उमन विद्युत संबंधी सुधार बर जिला कलेक्टर मन ल घलोक अपन स्तर म कार्यवाई करे ल कहिन।
