स्वास्थ्य सेवा मन ल मनखे मन तक पहुंचाए म नर्स मन के महत्वपूर्ण योगदान – श्री टी.एस. सिंहदेव

रायपुर, छत्तीसगढ़ के स्वास्थ्य मंत्री श्री टी.एस. सिंहदेव आज इहां पं. जवाहर लाल नेहरू स्मृति चिकित्सा महाविद्यालय ऑडिटोरियम म अंतरराष्ट्रीय नर्सेस दिवस के कार्यक्रम म सामिल होइन। एकर आयोजन छत्तीसगढ़ परिचारिका कर्मचारी कल्याण संघ कोति ले करे गए रहिस। रायपुर ग्रामीण के विधायक श्री सत्यनारायण शर्मा, रायपुर उत्तर के विधायक श्री कुलदीप जुनेजा अऊ रायपुर पश्चिम के विधायक श्री विकास उपाध्याय ह घलोक नर्सेस दिवस कार्यक्रम म हिस्सा लीन। हम आप ल बता देवन के हर साल 12 मई के दिन पूरा दुनिया म अंतरराष्ट्रीय नर्सेस दिवस मनाये जाथे। छत्तीसगढ़ परिचारिका कर्मचारी कल्याण संघ कोति ले आज कार्यक्रम के आयोजन करके अंतरराष्ट्रीय नर्सेस दिवस मनाये गीस।