नरवा, गरूवा, घुरवा अऊ बाड़ी के संरक्षण अऊ संवर्द्धन बर बनाव बेहतर कार्ययोजना: डॉ. डहरिया

रायपुर, नगरीय प्रशासन अउ श्रम मंत्री डॉ. शिव कुमार डहरिया ह कहिन हे के ग्रामीण क्षेत्र मन म सुराजी गांव योजना के तहत नरवा, गरूवा, घुरवा अऊ बाड़ी के संरक्षण अऊ संवर्द्धन बर बेहतर कार्य योजना तैयार करे जाय। उमन अधिकारी मन ल दू दिन के अंदर योजना के तहत प्रस्ताव प्रस्तुत करे के निर्देश दीन। उमन कहिन कि ग्रामीण क्षेत्र के तर्ज म शहरी क्षेत्र मन म घलोक जल संरक्षण के दिशा म कारगार योजना तैयार करे जाय। डॉ. डहरिया ह शहर के सबो भवन मन म वॉटर हार्वेस्टिंग सिसटम लगाय म जोर दीन। उमन भू-जल संवर्द्धन बर पेड़-पौधा लगाये के घलोक निर्देश दीन। उमन कहिन कि शहरी क्षेत्र मन म घूमइया मवेशी मन के सुरक्षा बर गौठान के तर्ज म उचित व्यवस्था करे जाए। उमन कहिन कि जऊन जगा म नरवा, गरूवा, घुरवा अऊ बाड़ी के काम करे जात हे, ओ मन स्वंय गांव-गांव जाके विकास कार्य मन के अवलोकन करहीं।